आघाडीचे गरज सरो मित्र मरो! राजू शेट्टींमागोमाग आता जोगेंद्र कवाडेही ‘उपद्रव’ देण्याच्या तयारीत!

मुक्तपीठ टीम

पीपल्स रिपब्लिकन पार्टीचे जोगेंद्र कवाडे यांनी त्यांच्या पक्षाते मित्र पक्ष असलेल्या काँग्रेस आणि राष्ट्रवादी काँग्रेस पक्षावर आरोप केले आहेत. काँग्रेस आणि राष्ट्रवादी काँग्रेसवर त्यांचे मित्र पक्ष नाराज झाल्याचं समोर आले आहे. त्यामुळे आता राजू शेट्टींमागोमाग जोगेंद्र कवाडेही मित्र पक्षाला जाणीव करण्यासाठी उपद्रव देण्याच्या तयारीत आहेत.

स्वाभिमानी शेतकरी संघटेनेचे अध्यक्ष राजू शेट्टी यांनी भूसंपादनाच्या मुद्यावरुन राज्य सरकारवर टीका केली आहे. त्यामुळे महाविकास आघाडी सरकारमधील पक्षांवर त्यांचे मित्र पक्ष नाराज झाल्याचे समोर आले आहे.

या नाराजीतून जोगेंद्र कवाडे यांनी वक्तव्य केले की, “दुधातील माशी प्रमाणे मित्रपक्षाने बाजूला फेकले असल्याचा आरोप जोगेंद्र कवाडे यांनी केला आहे.राज्यात भाजपला सत्तेपासून दूर ठेवण्यासाठी राष्ट्रवादी काँग्रेस आणि काँग्रेस पक्षाच्या नेत्यांना शिवसेनेला सोबत घेऊन आघाडी करण्यासंदर्भात पत्रव्यवहार केला होता. मात्र, ही आघाडी झाल्यानंतर दुधातील माशी बाजूला फेकावी अशा पद्धतीने काँग्रेस आणि राष्ट्रवादी या मित्रपक्षाने आम्हाला बाजूला फेकले” असे ते म्हणाले.