एलॉन मस्कच्या ताब्यातील ‘ट्विटर’विरोधात नवे ‘ब्ल्यू स्काय’ अॅप! ट्विटरच्या संस्थापकांचं नवं पाऊल…

मुक्तपीठ टीम

टेस्लाच्या एलॉन मस्क यांनी ट्विटर विकत घेण्याबरोबरच त्यांच्यासमोर ब्ल्यू स्काय या नव्या सोशल मीडिया अॅपचं आव्हान उभं राहिलं आहे.मस्क यांनी ट्विटर विकत घेण्याच्या एक आठवडा अगोदर १९ ऑक्टोबर रोजी ट्विटरचे सह-संस्थापक जॅक डोर्सीने त्याच्या नवीन सोशल मीडिया अॅप ब्लू स्कायची संकल्पना उघड केली.

जॅकने त्याच्या नव्या सोशल मीडिया प्लॅटफॉर्मचीही चाचणी सुरु केली आहे. परंतू, नवीन प्लॅटफॉर्मच्या प्रकाशनाची टाइमलाइन अजून समोर आलेली नाही. एलॉन मस्कच्या यांच्या मालकीचं झालेल्या ट्विटरविरोधात ब्ल्यू स्काय किती प्रभावी ठरेल, हे लवकरच कळेल.

जॅक डोर्सीचे नवे सोशल मीडिया प्लॅटफॉर्म Bluesky…

• डोर्सी यांनी नव्या अॅपची अंतर्गत चाचणी सुरू केली आहेत.
• नवीन प्लॅटफॉर्मच्या तांत्रिक आव्हानांची चाचणी घेतली जाईल.
• त्यानंतर खुल्या चाचण्या सुरू केल्या जातील.
• काही लोकांना अॅपची बीटा आवृत्ती वापरण्यासाठी दिली जाईल.
• या चाचणीनंतर ते सर्वसामान्यांसाठी उपलब्ध केले जाईल.
• ब्लू स्काय हे पूर्णपणे विकेंद्रित अॅप असेल.
• यामध्ये एटी प्रोटोकॉल नावाचे तंत्रज्ञान वापरले जाणार आहे.
• हे तंत्रज्ञान सोशल नेटवर्कला एका वेबसाइटच्या बंधनातून मुक्त करेल.
• ब्लू स्काय वापरण्यासाठी कोणत्याही विशेष वेबसाइटवर जाण्याचीही गरज नाही.
• “Blue Sky’ हे नाव सुरुवातीला केवळ प्रकल्पाच्या चाचणीसाठी विचारात घेतले होते, परंतु आता ते कंपनीचे आणि अॅपचे नाव बनले आहे.

मस्क यांचे ट्विटर बदलण्याचे आश्वासन!

• एलोन मस्कने मुख्य ट्विटमध्ये त्यांचे ट्विटर वर्णनचे देखील अपडेट केले आहे.
• सेवेचे कंटेंट मॉडरेशन नियम सैल करून ट्विटर बदलण्याचे आश्वासनही त्यांनी दिले आहे.
• त्यांनी त्याचे अल्गोरिदम अधिक पारदर्शक बनविण्याचे आणि सदस्यता व्यवसायांची वाढ करण्याचे आश्वासन दिले.