आदित्य ठाकरेंना जीवे मारण्याची धमकी, आरोपीला कर्नाटकातून अटक!

मुक्तपीठ टीम

राज्याचे पर्यावरण मंत्री आदित्य ठाकरेंना जीवे मारण्याची धमकी देण्यात आल्याने एकच खळबल माजली होती. अखेर या प्रकरणात मुंबई पोलिसांच्या सायबर सेलकडून धमकी देणाऱ्या ३४ वर्षीय जयसिंग राजपूतला अटक करण्यात आली. आदित्य ठाकरे यांच्या व्हॉट्सअॅपवर आरोपीने ही धमकी पाठवली होती. धमकी देणारा जयसिंग राजपूत हा दिवंगत अभिनेता सुशांतसिंह राजपूतचा फॅन असल्याचं सांगत आहेत.

काय आहे प्रकरण?

• आरोपी जयसिंग राजपूत याने ८ डिसेंबरच्या मध्यरात्री १२ च्या सुमारास सर्वप्रथम आदित्य ठाकरे यांना
• व्हॉट्सअ‍ॅपवर मेसेज पाठवला होता.
• त्या मेसेजमध्ये त्याने सुशांत सिंहच्या मृत्यूबाबत आरोप केले होते.
• त्यानंतर त्याने तीन फोनही केले.
• आदित्य ठाकरेंनी ते फोन उचलले होते.
• त्यानंतर संतापलेल्या आरोपीने आदित्य ठाकरे यांना जीवे मारण्याची धमकी दिली होती.
• तसा मेसेज त्यानं आदित्य ठाकरेंना पाठवला होता.
• याप्रकरणी आदित्य ठाकरे यांच्यावतीने पोलिसांत तक्रार दाखल करण्यात आली होती.
• त्यानुसार विविध कलमांतर्गत गुन्हा दाखल करण्यात आला आहे.

अखेर आरोपीला अटक

• दरम्यान आदित्य ठाकरे यांना जीवे मारण्याची धमकी देणाऱ्या ३४ वर्षीय आरोपी जयसिंग राजपूतला मुंबई पोलिसांच्या सायबर सेलकडून अटक करण्यात आली आहे.
• सायबर पोलिसांनी तंत्रज्ञानाच्या मदतीने तपास केला.
• त्यावेळी आरोपी बंगळूरु येथे असल्याची माहिती त्यांना मिळाली.
• त्यानुसार बंगळूरु येथून राजपूत याला अटक करण्यात आली आहे.