सोनिया गांधींच्या ७१ वर्षांच्या पीएवर २६ वर्षांच्या तरुणीचा बलात्काराचा आरोप!

मुक्तपीठ टीम

कॉंग्रेस नेत्या सोनिया गांधी यांचे ७१ वर्षांचे पीए पीपी माधवन यांच्याविरुद्ध बलात्काराचा गुन्हा दाखल झाला आहे. एका तरुण महिलेच्या बलात्कार आणि धमकावण्याच्या तक्रारीनंतर हा गुन्हा दाखल करण्यात आला आहे. पोलिसांनी दिलेल्या माहितीनुसार, एका २६ वर्षीय महिलेने ही तक्रार दाखल केली. माधवन यांनी नोकरी आणि लग्नाचे आमिष दाखवून तिच्यावर बलात्कार केल्याचा आरोप आहे. माधवन यांनी त्यांच्यावरील आरोप हे राजकीय कटकारस्थानाचा भाग असल्याचा दावा केला आहे.

काय आहेत पीडितेचे आरोप?

• पोलीस अधिकाऱ्याच्या म्हणण्यानुसार, पीडितेने सांगितले की, आरोपीने तिच्यावर बलात्कार केला आणि या प्रकरणाची तक्रार केल्यास गंभीर परिणाम भोगण्याची धमकी दिली.
• पीडितेच्या तक्रारीवरून माधवनविरुद्ध उत्तम नगर पोलीस ठाण्यात बलात्कार आणि जीवे मारण्याची धमकी देण्याचा गुन्हा दाखल करण्यात आला आहे.
• जिल्हा पोलीस उपायुक्त एम हर्षवर्धन यांनी सांगितले की, महिलेच्या तक्रारीवरून गुन्हा दाखल करण्यात आला आहे.
  या संपूर्ण प्रकरणाची चौकशी करण्यात येत आहे.
• जीवाला धोका असल्याचे कारण देत पीडितेने पोलीस संरक्षणाची मागणी केली आहे.

माधवन यांच्याविरोधातील आरोपांचा घटनाक्रम

• पीडित महिला उत्तम नगर परिसरात राहते.
• तिचा नवरा काँग्रेसचा कार्यकर्ता होता, तो होर्डिंग-बॅनर लावायचा.
• यामुळे ती काँग्रेस पक्षाच्या संपर्कात आल्या आणि पक्षाच्या कार्यालयात आणि कार्यक्रमांना भेटी देऊ लागल्या.
• २०२० मध्ये तिच्या पतीचे निधन झाले, पतीच्या मृत्यूमुळे तिचे हाल झाले.
• जेव्हा ती पक्षाच्या कार्यालयात मदतीसाठी गेली तेव्हा तिथल्या एका कार्यकर्त्याने तिला सोनिया गांधींचे पीए पीपी माधवन यांचा मोबाइल नंबर दिला.
• फोनवरून तिने माधवनला तिची आर्थिक परिस्थिती सांगितली आणि काम मिळवून देण्याची विनंती केली.
• यानंतर माधवन आणि महिलेमध्ये वारंवार बोलणे सुरू झाले.
• २१ जानेवारी २०२२ रोजी, माधवनने तिला नोकरीसाठी मुलाखत देण्याविषयी बोलले आणि पीडितेला सांगितले की त्याची पत्नी मरण पावली आहे.
• ते सध्या एकटे आहेत आणि त्यांना तिच्याशी लग्न करायचे आहे. यानंतर दोघांमधील जवळीक आणखी वाढली.
• एके दिवशी माधवन यांनी तिला उत्तम नगरला रात्री भेटण्यासाठी बोलावले.
• सुरुवातीला महिलेने नकार दिला, पण आग्रह धरला.
• आरोपीने महिलेला कारमध्ये बसवले आणि त्याच्या ड्रायव्हरला गाडीतून उतरवले.
• यानंतर त्याने तिच्यासोबत गलिच्छ काम केल्याचा आरोप पीडितेने केला आहे.

माधवन यांनी महिलेला जीवे मारण्याची धमकी दिल्याचाही आरोप

• पीडित महिलेच्या आरोपांनुसार त्यांनी तिला जीवे मारण्याची धमकीही दिली.
• फेब्रुवारी २०२२ मध्ये आरोपीने पीडितेला सुंदरनगर येथील घरी बोलावून तिच्यावर बलात्कार केला.
• त्यावेळी त्यांची पत्नी जिवंत असल्याचे पीडितेला समजले. पीडितेने माधवनला विचारणा केली असता ते कारणं देऊ लागले. यानंतर त्याने
• पीडितेला काही पैशांचे आमिष दाखवून गप्प बसण्यास सांगितले.
• नाही तर पीडितेला जीवे मारण्याची धमकी दिली.