प्रविण जाधव
जगप्रसिद्ध थंड हवेचे ठिकाण असलेले माथेरान घाटात दोन फूट असणाऱ्या सुरक्षा कठड्यावर एक जिप्सी कार हवेत तरंगत असतांनाच थरारक चित्र समोर आलं आहे.
माथेरान घाटातील वॉटरपाईप स्टेशनच्या वरच्या अवघड चढणीला हा अपघात झाला आहे,या गाडीत नऊ प्रवाशी प्रवास करत असल्याची माहिती समोर आली आहे. दैव बलवत्तर म्हणून या अपघातातून पुढील मोठी दुर्घटना टळली.
सुत्रांकडून मिळालेल्या माहिती नुसार एमएच ०३ ६५६५ महाराष्ट्र पासिंग असलेली ही जिप्सी कार मुंबईहून माथेरान फिरण्यासाठी नेरळ येथे आली होती.या वाहना सोबत आणखी काही वाहने (फॅमिली) सोबत असल्याचे समजते.नेरळ येथून माथेरानचा अवघड घाट चढण्यासाठी वाहनचालक स्पीड मध्ये असल्याचे समोर आले आहे. माथेरान मिनी ट्रेनच असलेले वॉटरपाईप स्टेशनच्या वरचा अवघड चढणीला, वाहनचलकाचा वाहणावरील ताबा सुटल्याने,वाहन खोल दरीच्या बाजूला असलेली लोखंडी ग्रील तोडून सिमेंट क्रॉक्रिटचा दोन फूट उंच सुरक्षा कठड्यावर चढून कार हवेत तरंगत बंद पडली होती.हे चित्र एवढे भयानक होते की एखाद्या पिच्चर मधील सिन वाटावा तसे.सुदैवाने दैव बलवत्तर म्हणून पुढील मोठी दुर्घटना होता टळली आहे.
या वाहनात घरातील महिला वर्ग देखील सोबत असलेली माहिती समोर आली आहे.
Subscribe
