राजस्थानच्या उदयपूरचे मनमोहून टाकणारे उद्भूत सौंदर्य, ‘या’ प्रेक्षणीय स्थळांना नक्की भेट द्या!

मुक्तपीठ टीम

राजस्थान हे भारतातील सर्वात लोकप्रिय पर्यटन स्थळांपैकी एक आहे. त्यातही उदयपूर हे राजस्थानचे लोकप्रिय पर्यटन ठिकाण आहे. या शहराला सूर्योदयाचे शहर असेही म्हणतात. पर्वतांनी वेढलेले हे शहर डोंगर रांगेत वसलेले आहे, ज्याच्या शिखरावर महाराणाचा राजवाडा आहे, जो १५७० साली बांधण्यात आला होता. मेवाडच्या सिसोदिया राजपूतांनी १५६७मध्ये चित्तौडगडच्या ऱ्हासानंतर उदयपूरसारखे सुंदर शहर वसवले होते. १६व्या शतकात राणा उदय सिंह यांनी उदयपूरची स्थापना केली. चला तर जाणून घेऊया या प्रेक्षणीय स्थळाबद्दल…

मनमोहून टाकणाऱ्या उदयपूर शहरातील आकर्षक तलाव….

• उदयपूर हे राजस्थानचे लोकप्रिय पर्यटन ठिकाण आहे .
• याला अनेकदा ‘पूर्वेचे व्हेनिस’ असे म्हटले जाते.
• राजस्थानमधील उदयपूर शहर तलावांचे शहर म्हणून जगप्रसिद्ध आहे.
• पिचोला, फतेह सागर, उदय सागर आणि रंगसागर अशे चार तलाव येथे आहेत.
• विशेष म्हणजे हे चारही तलाव एका कालव्याने जोडलेले आहेत.
• एका बाजूला समोर उंच डोंगरावर मान्सून पॅलेस, तर दुसऱ्या बाजूला नीमच मातेचे मंदिर.
• पाण्याने भरलेले तलाव उन्हाळ्यातही थंडगार वाटतात.
• डोंगरावरून सरोवरांचे दृश्य असे दिसते की जणू काही स्वर्गाच्या कोपऱ्यातून दिसत आहे.
• तलावांच्या या शहरात निळ्या तलावांचे आणि अरवलीच्या हिरव्या उतारांचे सुंदर मिश्रण आहे आणि त्याचे सौंदर्य समतोल राखण्यासाठी आणि निसर्गाचा सुसंवाद निर्माण केला आहे.

उदयपूरचे जगदीश मंदिर हे सर्वात मोठे आणि भव्य मंदिर

• या सुंदर शहरात पांढरे संगमरवरी राजवाडे आणि अनेक प्राचीन मंदिरे आहेत.
• जगदीश मंदिर हे येथील सर्वात मोठे आणि भव्य मंदिर आहे.
• येथे जगन्नाथ किंवा विष्णूच्या मूर्तीची पूजा केली जाते.
• तर फतेह सागर तलाव हे येथील मुख्य आकर्षण आहे.
• लेक पॅलेस हॉटेल, जग मंदिर आणि मोहन मंदिर तलावाच्या आत वसले आहे.
• मचला मंदिर, टेकडीच्या उतारावर स्थापित माणिक्य लाल वर्मा गार्डन आणि टेकडीच्या माथ्यावरचे करणी माता मंदिरही पाहण्यासारखे आहे.

उदयपूर येथे भारतीय लोककला नृत्याचे आंतरराष्ट्रीय संग्रहालय आहे. अरवली वाटिका हे देखील येथील एक नयनरम्य ठिकाण आहे, जे तलावाच्या काठावर खूप लांब टेकडीवर पसरलेले आहे. त्याला लागूनच महाराणा प्रताप स्मारक आहे.