‘झी २४ तास’ फ्री डिशमागोमाग बार्क रेटिंगमध्येही नाही! झीच्या माघारीनंतर ५ चॅनल्समध्येच स्पर्धा, टीव्ही9मराठी नंबर१!

मुक्तपीठ टीम

मराठीत ७ न्यूज चॅनल्स आहेत. त्यातील जय महाराष्ट्रची नोंद बार्कच्या आकडेवारीत नसते. आता झी २४ तासनेही बार्कमधून माघार घेतली आहे. त्यामुळे या ३९व्या आठवड्यापासून टीआरपी स्पर्धेत आता पाचच मराठी न्यूज चॅनल्स उरले आहेत. फ्री डिशवरून झी वाहिन्यांचे प्रसारण बंद झाल्यानंतर झी २४ तासने बार्कमधून आपल्या चॅनलची नोंद बंद केली असली तरी त्यासाठी लँडिंग पेजचं कारण दिलं आहे. झी २४ तासच्या माघारीनंतर स्वाभाविकच एक स्पर्धक कमी झाल्यानंतर अन्य ५ मराठी चॅनल्सना त्यांच्या त्यांच्या क्षमतेनुसार बुस्टर डोस मिळाले आहेत. टीव्ही ९ मराठी आता ३४.२ मार्केट शेअरसह मोठ्या फरकाने पहिल्या क्रमांकावर आहे. तर सतत तिसऱ्या क्रमांकावरील एबीपी माझाला २३.३ मार्केट शेअरसह दुसरा क्रमांक पटकावता आला आहे. इतर तीन चॅनल्सनाही चांगला फायदा झाला आहे.

मराठी न्यूज चॅनल्स मार्केटमधील नंबर गेम (आठवडा ३९वा )

• १ – टीव्ही ९ मराठी ३४.२%
• २ – एबीपी माझा २३.३%
• ३ – साम १८.५%
• ४ – न्यूज १८ लोकमत १६.००%
• ५ – लोकशाही ८.००%

मराठी न्यूज चॅनल्स मार्केटमधील नंबर गेम

मराठी न्यूज चॅनल्सच्या मार्केटमध्ये काय घडलं, काय बिघडलं?

• या वर्षाच्या ३९व्या आठवड्यात झी २४तासने बार्कमधून माघार घेतली आहे. त्यामुळे स्वाभाविकच आता ६ऐवजी ५ चॅनल्समध्येच मार्केट शेअर वाटला जाणार आहे.
• टीव्ही ९ मराठीचा मार्केट शेअर ३४.२सह पहिल्या क्रमांकावर पोहचला आहे. त्यामुळे टीव्ही9मराठी आता १०.९ टक्के मार्केट शेअरने नजिकच्या प्रतिस्पर्ध्यापेक्षा पुढे आहे.
• एबीपी माझा २३.३ टक्के मार्केट शेअरसह दुसऱ्या क्रमांकावर आहे.
• साम १८.५ टक्क्यांसह तिसऱ्या क्रमांकावर आहे.
• न्यूज 18 लोकमत १६ % मार्केट शेअरसह चौथ्या क्रमांकावर आहे.
• लोकशाही ०८ % मार्केट शेअरसह सहाव्या क्रमांकावर आहे.
• झी २४ तासने माघार घेतल्याने त्यांची आकडेवारी उपलब्ध नाही.

खालील माहिती ही नेहमी टीव्ही रेटिंग रिपोर्टमध्ये देत आहोत. कारण हा एक प्रयत्न आहे, टीव्ही चॅनल्समध्ये कार्यरत प्रत्येकाला, राजकीय, सामाजिक क्षेत्रातील प्रत्येकाला टीव्ही रेटिंग समजवण्यासाठीचा.

समजून घ्या टीव्ही रेटिंगबद्दलची माहिती…

• मराठीत टीव्ही ९ मराठी, एबीपी माझा, साम, न्यूज १८ लोकमत, लोकशाही, जय महाराष्ट्र हे ७ न्यूज चॅनल्स आहेत.
• त्यातील जय महाराष्ट्रची आकडेवारी बार्कवर आधीपासूनच नसते. आता झी २४ तासनेही माघार घेतल्याने त्यांचीही आकडेवारी नसेल.
• त्यामुळे आता मराठी न्यूज चॅनल्सचे रेटिंग हे पाच न्यूज चॅनल्सच्या आकडेवारीवरच आधारीत असेल.
• मराठी न्यूज चॅनल्समधील झी २४ तास आणि न्यूज १८ लोकमत हे पे चॅनल्स आहेत. जे पैसे भरून सबस्क्राइब करतात, त्यांनाच किंवा बुकेसोबत ते दिसतात.
• एबीपी माझा, टीव्ही 9, साम, लोकशाही हे इतर चार चॅनल्स हे फ्री टू एअर आहेत. त्यांना पाहण्यासाठी पैसे मोजावे लागत नाहीत.
• झी २४ तास हे दूरदर्शनच्या फ्री डिशवर उपलब्ध असणारे एकमेव चॅनल होते. त्यांना इतर मराठी न्यूज चॅनल्सपेक्षा २५ टक्के
  अधिक घरांमध्ये पोहचण्याची संधी मिळत होती. त्यांच्याविरोधात माहिती प्रसारण खात्याने कारवाई करत काही दिवसांपूर्वी त्यांचे प्रसारभारतीच्या फ्री डिशवरील प्रसारण थांबवले. त्यानंतर त्यांनी लँडिंग पेजचं कारण देत बार्कमधून माघार घेतली आहे.
• सध्या टीव्ही रेटिंग हे चार आठवड्यांच्या सरासरी रेटिंगचं येत आहे.
• याचा अर्थ आता चॅनलना झटपट काही करून एका आठवड्याच्या कामगिरीवर मुसंडी मारणं सोपं असत नाही.
• चार आठवडे सातत्यपूर्ण कामगिरी करूनच पुढे झेपावता येईल.
• या रेटिंगवरच मराठी न्यूज चॅनलचा मार्केट शेअर ठरत आहे.

(आकडेवारीत किंवा अन्य माहितीत काही चूक असेल, बदल अपेक्षित असेल तर कृपया त्वरित कळवा –  ७०२११४८०७०, muktpeethteam@gmail.com)