मुक्तपीठ टीम
आता जगावर अणुयुद्धाचे ढग दाटू लागल्याची भीती व्यक्त होत आहे. रशियाच्या आण्विक शस्त्रागाराशी संबंधित एक लष्करी ट्रेन युक्रेनकडे जात असल्याचा दावा पाश्चात्य माध्यमांमधील बातम्यांमध्ये करण्यात आला आहे. ही बातमी अशा वेळी आली आहे जेव्हा रशियाने जगातील सर्वात मोठी आण्विक पाणबुडी तैनात केली आहे. ही पाणबुडी ‘अपोकॅलिप्स’ ड्रोन वाहून नेण्यास सक्षम आहे.
आण्विक शस्त्रागार ट्रेनची बातमी कशामुळे?
- युक्रेनने दिलेल्या जोरदार प्रत्युत्तरानंतर रशियन अध्यक्ष व्लादिमीर पुतिन यांनी आक्रमक भूमिका घेतली आहे.
- त्यांनी सेनेचे कर्णधार बदलतानाच मोठा फौजफाटा जमा केला आहे.
- प्रो-रशियन टेलिग्राम चॅनल रायबरने रविवारी एक व्हिडिओ शेअर केला आहे.
- त्या व्हिडीओत मध्य रशियाच्या मार्गावर मध्य रशियाच्या मार्गावर कर्मचाऱ्यांचे वाहक (एपीसी) आणि इतर अत्याधुनिक लष्करी उपकरणे घेऊन जाणारी मालवाहू ट्रेन दिसत आहे.
- त्यामुळे रशिया अणु हल्ल्याचा विचार करत असल्याची चर्चा सुरु झाली.
रशियाच्या आण्विक पाणबुडीने आपला तळ सोडला
- रशियाच्या बेल्गोरोड आण्विक पाणबुडीने आर्क्टिक सर्कलमधील आपला तळ सोडला आहे.
- हा इशारा नाटोने अमेरिकेसह आपल्या सदस्य देशांना दिला आहे.
- ला रिपब्लिका या इटालियन वृत्तपत्राने ही माहिती दिली आहे.
- बेलगोरोड ही जगातील सर्वात मोठी पाणबुडी आहे ज्याची लांबी ६०० फुटांपेक्षा जास्त आहे.
- हे “डूम्सडे” पोसेडॉन न्यूक्लियर टॉर्पेडो ड्रोन वाहून नेण्यास सक्षम आहे.
- हे अणुशस्त्र १ हजार ६०० फूट उंचीची आण्विक त्सुनामी आणू शकते.
- ज्यामुळे शेकडो मैल दूर असलेल्या किनारपट्टीवरील शहरे पाण्यात बुडतील.
- पुतिन यांनी युद्धात आक्रमक धोरण स्वीकारल्यानंतर अनेक गंभीर धमक्या दिल्या.
- त्यानंतर आण्विक ट्रेनच्या ताफ्याच्या हालचाली आणि बेल्गोरोड पाणबुडीच्या हालचालींचे व्हिडिओ समोर आल्याने भीती निर्माण झाली आहे.
- त्याचवेळी राष्ट्रीय सुरक्षा सल्लागार जेक सुलिव्हन आणि परराष्ट्र सचिव अँटोनी ब्लिंकन यांनी पुतीन यांच्या टीकेला उत्तर देत रशियाला जर आण्विक युद्धाकडे नेणारी पावलं उचलली तर गंभीर परिणाम होतील.
Subscribe
