ISIS कनेक्शन: महाराष्ट्रासह ६ राज्यांमध्ये धाडी

मुक्तपीठ टीम

राष्ट्रीय तपास संस्थेने आज ISISच्या कारवायांशी संबंधित ६ राज्यांमध्ये १३ संशयितांच्या घरांची झडती घेतली. एनआयएच्या या कारवाईत आक्षेपार्ह कागदपत्रे आणि साहित्य जप्त करण्यात आले आहे. याप्रकरणी पुढील तपास सुरू आहे.

ईसिस कनेक्शन: महाराष्ट्रासह ६ राज्यांमध्ये धाडी

मध्य प्रदेशातील भोपाळ आणि रायसेन जिल्हा
गुजरातमधील भरूच, सुरत, नवसारी आणि अहमदाबाद जिल्हा
बिहारमधील अररिया जिल्हा
कर्नाटकातील भटकळ आणि तुमकूर शहर जिल्हे
महाराष्ट्रातील कोल्हापूर आणि नांदेड जिल्हे
उत्तर प्रदेशातील देवबंद जिल्हा

ISIS मॉड्यूलच्या संपर्कातील विद्यार्थ्याला यूपीत अटक

उत्तर प्रदेशातील सहारनपूरमध्ये रविवारी एनआयए आणि यूपी एटीएसने देवबंदमध्ये छापा टाकून एका संशयित तरुणाला अटक केली.
संशयित तरुण हा मदरशाचा विद्यार्थी आहे.
तो आयएस मॉड्यूलच्या संपर्कात होता.
तो बराच काळ एनआयएच्या रडारवर होता.
एनआयएच्या पथकाने आज सकाळी त्याला मदरशातूनच ताब्यात घेतले.
स्थानिक पोलिसांनी अद्याप एनआयएच्या कारवाईला दुजोरा दिलेला नाही.
यूपी एटीएस आणि एनआयएने गोपनीय माहितीच्या आधारे या संशयित दहशतवाद्याला पकडले आहे.
या दहशतवाद्याचा सीरियातील बॉम्बस्फोटांशीही संबंध असल्याचे समोर आले आहे.
सध्या तो एटीएस सोबत आहे.