उद्धव ठाकरेंचा बुधवारी वाढदिवस, संकट काळात शिवसैनिकांकडे मागितली खास भेट

मुक्तपीठ टीम

मुख्यमंत्री एकनाथ शिंदे यांनी बंडखोरी केल्यानंतर उभ्या शिवसेनेत फूट पडली. या फूटीनंतर शिवसेना नेमकी कोणाची आणि शिवसेनेचे निवडणूक चिन्ह ‘धनुष्यबाण’ कोणाकडे राहणार असा प्रश्न निर्माण झाला आहे. एकनाथ शिंदे आणि शिवसेना पक्षप्रमुख उद्धव ठाकरे यांच्यातील लढाई आता निवडणूक आयोगापर्यंत पोहोचली आहे. शिवसेना पक्ष संघटनेवरील बहुमत येत्या ८ ऑगस्टपर्यंत सिद्ध करा, असे निर्देश निवडणूक आयोगाने उद्धव ठाकरे आणि एकनाथ शिंदे यांना दिले आहेत. निवडणूक आयोगाच्या या आदेशानंतर आता उद्धव ठाकरेंनी आपल्या वाढदिवसानिमित्त शिसैनिकांकडे महत्त्वाची भेट मागितली आहे.

पुष्पगुच्छ नकोत, सदस्यांच्या अर्जाचे आणि पदाधिकाऱ्यांच्या शपथपत्रांचे गठ्ठे हवेयत!!!

• येत्या २७ जुलै रोजी उद्धव ठाकरे यांचा वाढदिवस आहे.
• त्यांच्या वाढदिवसानिमित्त त्यांनी शिवसैनिकांकडे खास भेट मागितली आहे.
• सध्या न्यायालयात खटला सुरु आहे.
• मला न्यायदेवतेवर विश्वास आहे.
• पण आता त्यांनी आम्हीच खरी शिवसेना आहोत, असे निवडणूक आयोगाला सांगितले आहे.
• या कारस्थानाला नुसत्या जल्लोषाने उत्तर देऊन चालणार नाही.
• त्यासाठी आपल्याला दोन गोष्टी कराव्या लागतील.
• पहिली म्हणजे आपल्या पदाधिकाऱ्यांचे शपथपत्र द्यावे लागेल.
• मला प्रत्येकाचे शपथपत्र हवे आहे.
• मी पक्षप्रमुख आहे.
• माझ्यासह गटप्रमुख ते सर्व पदाधिकाऱ्यांचे मला शपथपत्रे हवी आहेत.
• त्यानंतर जास्तीत जास्त सदस्यनोंदणी झाली पाहिजे.