कचऱ्याच्या ढिगाऱ्यातील कोवळ्यांचं भविष्य सोन्यासारखं लखलखावं! ‘जिजाऊ’च्या डंपिंग ग्राऊंड शाळेचं एकच ध्येय!!

शहरं म्हटलं की कचरा आलाच आला. त्याची वासलात लावण्यासाठी डंपिंग ग्राऊंडही. लाखोंनी तयार केलेल्या या कचऱ्याच्या ढिगाऱ्यांमध्येच समाजातील हजारोंचं जीवन जातं. त्यांच्यातील कोवळ्या जीवांचं भविष्य सोन्यासारखं लखलखावं, असा प्रयत्न जिजाऊ शैक्षणिक सामाजिक संस्था करत आहे. त्यासाठी दररोज संध्याकाळी जिजाऊची शाळा डंपिंग ग्राऊंडवर भरते.