राष्ट्रीय कृषी आणि ग्रामीण विकास बँकेत १७० जागांवर नोकरीची संधी

मुक्तपीठ टीम

राष्ट्रीय कृषी आणि ग्रामीण विकास बँकेत असिस्टंट मॅनेजर ग्रेड-ए आरडीबीएस या पदासाठी १६१ जागा, असिस्टंट मॅनेजर ग्रेड-ए राजभाषा या पदासाठी ०७ जागा, असिस्टंट मॅनेजर ग्रेड-ए पी अॅंड एसएस या पदासाठी ०२ जागा अशा एकूण १७० जागांसाठी नोकरीची संधी आहे. पात्र आणि इच्छुक उमेदवार, ०७ ऑगस्ट २०२२ पर्यंत अर्ज करु शकतात. नोकरीचे ठिकाण संपूर्ण भारत आहे.

शैक्षणिक पात्रता

अर्ज करणारा उमेदवार,

पद क्र.१- ६०% गुणांसह संबंधित विषयात पदवी/ बीई/ बीटेक/ एमबीए/ बीबीए/ बीएमएस/ पीजी डिप्लोमा/ सीए
पद क्र.२- ६०% गुणांसह इंग्रजी विषयासह हिंदी पदव्युत्तर पदवी किंवा पदव्युत्तर पदवी
पद क्र.३- स्त्री किंवा पुरूष हे वैध माजी सैनिक ओळखपत्र असलेल्या सैन्यात/ नौदल/ हवाई दलात कमीतकमी पाच वर्षांची कमिशनयुक्त सेवेचे अधिकारी असणे आवश्यक आहे.

वयोमर्यादा

या पदांसाठी अर्ज करणाऱ्या उमेदवारांचे वय २१ ते ४० वर्षांपर्यंत असणे आवश्यक आहे.

शुल्क

पद क्र. १ आणि २ साठी अर्ज करणाऱ्या जनरल/ ओबीसी वर्गातील उमेदवारांकडून ८०० रूपये शुल्क आकारले जाणार, एससी/ एसटी/ पीडब्ल्यूबीडी उमेदवारांकडून १५० रूपये शुल्क, पद क्र. ३ साठी अर्ज करणाऱ्या जनरल/ ओबीसी वर्गातील उमेदवारांकडून ७५० रूपये शुल्क तर, एससी/ एसटी उमेदवारांकडून १०० रूपये शुल्क आकारले जाणार आहे.

अधिक माहितीसाठी राष्ट्रीय कृषी आणि ग्रामीण विकास बँकेच्या अधिकृत वेबसाइट https://www.nabard.org/ वरून माहिती मिळवू शकता.