कोकणात जायचंय…आता ‘टोल’धाड सुरु!

मुक्तपीठ टीम

मुंबई गोवा महामार्गावरून प्रवास करताना आता पैसे मोजावे लागणार आहेत. मुंबई-गोवा महामार्गवरील सिंधुदुर्ग जिल्ह्यातील ओसरगाव टोलनाका अखेर १ जूनपासून सुरु करण्यात येणार आहे. विविध स्तरावरून या ओसरगाव टोल नाक्यावरील टोल वसुलीला विरोध झाल्यानंतर देखील हा टोलनाका उद्यापासून सुरु होत आहे.

किती असणार टोल?

• टोल नाक्यापासून वीस किलोमीटरच्या परिघात येणाऱ्या वाहनांना मासिक ३१५ रुपयांचा पास देण्यात येणार आहे.
• तर इतर वाहनांना मात्र टोल भरावा लागणार आहे.
• बाईक, स्कूटी आणि रिक्षा यांना टोलमधून सूट देण्यात आली आहे.
• त्यामुळे कोकणातील रिक्षा चालकांना या टोल वसुलीतून दिलासा मिळालाय.
• दुसरीकडे फास्ट टॅग असलेल्या वाहनांना टोलची पन्नास टक्के रक्कम भरावी लागेल.
• या टोल वसुलीचं कंत्राट एमटी करीमुनिसा कंपनीकडे देण्यात आलंय.

ओसरगाव टोलचा दर

• जीप, व्हॅन, कार-सिंगल जर्नी ९० रुपये, रिर्टन जर्नी टोल घेतल्यास १३५रुपये
• हलकी व्यावसायिक वाहनं, मोठी मालवाहू वाहनं आणि मिनीबससाठी १३५ रुपये, रिटर्न जर्नीसाठी २२० रुपये
• ट्रक आणि बससाठी (डबल अँक्सल)- ३०५ रुपये, रिटर्न जर्नीसाठी ४६० रुपये
• ट्रक आणि बस (ट्रिपल ॲक्सल) – ३३५ रुपये, रिटर्न जर्नीसाठी – ५०० रुपये
• MH 07 पासिंग वाहनांसाठी ४५ रुपये
• टोल MH 07 पासिंग मिनीबससाठी ७५ रुपये
• MH 07 पासिंग ट्रक – बससाठी ११५ रुपये

टोलनाक्यामुळे नाराजीचे सूर

• मुंबई गोवा हायवेच्या चौपदरीकरणाचं काम गेल्या काही वर्षांपासून सुरु आहे.
• या महामार्गावरील बहुतांश काम पूर्ण झालं असून मुंबई-गोवा महामार्गाचा प्रवास आता अधिक वेगवान होणार आहे.
• गेल्या अनेक दिवसांपासून ओसरगाव हा टोल कधी सुरु होणार, याकडे संपूर्ण सिंधुदुर्ग जिल्ह्यातील जनतेचं लक्ष लागलं होतं.
• तूर्तास टोल सुरु करु नये यावरून वातावरणही तापलेलं होतं.
• उद्यापासून ओसरगावचा टोलनाका सुरु करण्यात येणार असल्याचं स्पष्ट झालंय.
• हा टोलनाका सुरु होत असल्यानं वाहनचालकांमध्ये नाराजीचा सूर पाहायला मिळतोय.
• टोल सुरु केल्यामुळे आजूबाजूच्या गावातील लोकांना भुर्दंड बसेल, अशी चर्चा रंगली आहे.
• पण परिसरातील वाहनांना सवलतीचा दर असणार आहे.