उत्तरप्रदेश निवडणूक : उमेदवारी मिळूनही उमेदवारांनी का सोडला काँग्रेसचा हात?

मुक्तपीठ टीम

एकीकडे पंजाब निवडणुकीमध्ये काँग्रेस नेते राहुल गांधी मुख्यमंत्री पदाचा वाद सोडवण्यात व्यस्त आहेत तर उत्तरप्रदेशमध्येही काँग्रेसला आव्हानांना सामोरे जावे लागत आहे. उत्तर प्रदेश विधानसभा निवडणुकीपूर्वी एकापाठोपाठ एक काँग्रेसच्या अनेक उमेदवारांनी तिकीट मिळूनही पक्षाचा राजीनामा दिला. हैदर अली आणि बरेलीच्या सुप्रिया ऐरननंतर सविता पांडे यांनी पक्षाचा राजीनामा दिला आहे. गोंडा जिल्ह्यातील तारबगंज मतदारसंघातील काँग्रेस उमेदवार सविता पांडे यांनी रविवारी आगामी उत्तर प्रदेश निवडणुकीत सत्ताधारी भाजपामध्ये प्रवेश केला. पांडे यांनी उत्तर प्रदेश भाजपाचे माजी अध्यक्ष लक्ष्मीकांत बाजपेयी यांच्या उपस्थितीत भाजपात प्रवेश केला आहे. भाजपच्या उत्तर प्रदेश युनिटने एका निवेदनात म्हटले आहे की पांडे आपल्या समर्थकांसह राज्य मुख्यालयातील पक्षात सामील झाल्या आहेत.

प्रत्येक महिलेला फक्त भाजपा सरकारमध्ये सुरक्षित असल्याची जाणीव- पांडे

• यावेळी पांडे यांनी सांगितले की, पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांच्या नेतृत्वाने प्रभावित होऊन मी
• भारतीय जनता पक्षात (भाजप) प्रवेश केला.
• “गेल्या पाच वर्षांत राज्यातील प्रत्येक महिलेला आपण फक्त भाजपा सरकारमध्ये सुरक्षित असल्याची जाणीव झाली आहे.”
• समाजवादी पक्ष (एसपी), बहुजन समाज पक्ष (बसपा) आणि इतर काँग्रेस पदाधिकाऱ्यांनीही भाजपा प्रवेश केला.
• गोंडा येथे २७ फेब्रुवारीला पाचव्या टप्प्यातील मतदान होणार आहे.

पक्ष सोडून जाणाऱ्यांपैकी सविता पहिल्या नाहीत…

• तिकीट मिळूनही पक्ष सोडणाऱ्या सविता या पहिल्या नाहीत.
• यापूर्वी काँग्रेसने जाहीर केलेल्या उमेदवारांच्या पहिल्या यादीत तिकीट मिळाल्यानंतरही काँग्रेसच्या तीन नेत्यांनी पक्ष सोडला होता.
• मनीष जायसवाल, नेते हैदर अली आणि बरेलीच्या सुप्रिया ऐरन यांचाही पक्ष सोडणाऱ्यांमध्ये समावेश आहे.
• या नेत्यांच्या या हालचालीमुळे काँग्रेस हायकमांड आश्चर्यचकित झाले असून, आगामी विधानसभा निवडणुकीपूर्वी पक्षाच्या अडचणीत भर पडली आहे.