ठाणे – कळवा रविवारी मध्यरात्रीपर्यंत रेल्वेचा धीम्या मार्गावर ३६ तासांचा ब्लॉक!

मुक्तपीठ टीम

जर तुम्हाला ठाण्याला जायचे असेल तर तुमच्यासाठी एक महत्वाची बातमी आहे. ठाणे आणि दिवा दरम्यान पाचव्या आणि सहाव्या मार्गाचे काम मध्य रेल्वे आणि मुंबई रेल्वे विकास कॉर्पोरेशनच्यावतीनं करण्यात येत आहे. या निमित्ताने ठाणे ते कळवा या मार्गावर कट आणि कनेक्शनच्या कामासाठी ३६ तासांचा ब्लॉक घेण्यात आला आहे. हा ब्लॉक शनिवारी दुपारी २ वाजल्यापासून रविवारी मध्यरात्री २ पर्यंत आहे.

ठाणे आणि दिवा दरम्यान पाचव्या आणि सहाव्या मार्गाचे काम

• ब्लॉक कालावधीत ठाणे ते विटावा रोडदरम्यान पुलावर नवीन टाकलेले रेल्वे रूळ ‘कट’ करून हा मार्ग सध्याच्या डाउन आणि अप धीम्या मार्गांशी जोडला जाईल.
• त्याचप्रमाणे क्रॉसओव्हर, टर्न आऊट, यार्ड रीमॉडेलिंगच्या संदर्भात रुळावरील डिरेलिंग स्विच, तसेच ठाणे आणि कळवा येथील इंटरलॉकिंग व्यवस्थेत बदल करणे व चालू करण्याची कामे ब्लॉक कालावधीत केली जातील.
• अभियांत्रिकी, इलेक्ट्रिकल आणि सिग्नल व दूरसंचार कामेही करण्यात येणार आहेत.

लोकल फेऱ्या १० मिनिटे विलंबाने धावतील

• मध्य रेल्वेनं जाहीर केलेल्या ३६ तासांच्या ब्लॉकमध्ये ठाणे ते कल्याण दरम्यान एकही लोकल ट्रेन धावणार नाही.
• ३६ तासाात मुख्य मार्गावरील ३९० लोकल फेऱ्या बंद ठेवण्यात येणार आहेत.
• ब्लॉकमुळे काही लोकल फेऱ्या ठाकुर्ली, कोपर, मुंब्रा, कळवा स्थानकांवर थांबणार नाहीत.
• धीम्या मार्गावरील लोकल फेऱ्या जलद मार्गवरून वळविण्यात येतील.
• यामुळे लोकल फेऱ्या १० मिनिटे विलंबाने धावतील.
• या स्थानकांतील प्रवाशांना कल्याण, डोंबिवली, दिवा, ठाणे स्थानकातून प्रवास करण्याची मुभा असेल.
• प्रवाशांची गैरसोय टाळण्यासाठी ठाणे मनपा आणि कल्याण-डोंबिवली मनपा यांना अतिरिक्त बस सोडण्याबाबत सूचना देण्यात आल्या आहेत.

कोणत्या ट्रेन्स होणार रद्द?

शुक्रवार- शनिवार रद्द होणाऱ्या ट्रेन

• १२११२ अमरावती-मुंबई एक्स्प्रेस
• १२१४० नागपूर-मुंबई सेवाग्राम एक्स्प्रेस
• १७६११ नांदेड-मुंबई राज्यराणी एक्स्प्रेस

शनिवार-रविवार रद्द होणाऱ्या ट्रेन

• ११००७/११००८ मुंबई-पुणे-मुंबई डेक्कन एक्स्प्रेस
• १२०७१/१२०७२ मुंबई-जालना-मुंबई जनशताब्दी एक्स्प्रेस
• १२१०९/१२११० मुंबई-मनमाड-मुंबई पंचवटी एक्स्प्रेस
• ११४०१ मुंबई-आदिलाबाद नंदीग्राम एक्स्प्रेस
• १२१२३/१२१२४ मुंबई-पुणे-मुंबई डेक्कन क्वीन
• १२१११ मुंबई-अमरावती एक्स्प्रेस
• १२१३९ मुंबई-नागपूर सेवाग्राम एक्स्प्रेस
• १११३९ मुंबई-गदग एक्स्प्रेस
• १७६१२ मुंबई-नांदेड राज्यराणी एक्स्प्रेस

रविवार-सोमवार रद्द होणाऱ्या एक्स्प्रेस

• ११४०२ आदिलाबाद-मुंबई नंदीग्राम एक्स्प्रेस
• १११४० गदग-मुंबई एक्स्प्रेस