घरोघरी जाऊन मुलांच्या आरोग्याची माहिती, मुंबई मनपाची हेल्थ डेटा बँक

मुक्तपीठ टीम

मुंबई मनपा १८ वर्षांपर्यंतच्या मुलांच्या आरोग्यासाठी डेटा बँक तयार करत आहे. यासाठी मुंबई मनपा घरोघरी जाईल. यासाठी महापालिका भागात काम करणाऱ्या आरोग्य कर्मचाऱ्यांसह आशा कामगारांची मदत घेतली जाईल. मुंबईत या वयाच्या मुलांची संख्या ४० लाखांहून अधिक असल्याची माहिती मिळालेली आहे.

कोरोनाच्या पहिल्या लाटेत साथीच्या आजारावर नियंत्रण मिळवण्यासाठी राज्य सरकारने ‘माझे कुटुंब, माझी जबाबदारी’ मोहीम सुरू केली आहे. या मोहिमेअंतर्गत प्रत्येक वॉर्डातील आरोग्य कर्मचारी, आशा कामगारांकडून घरोघरी जाऊन सर्वेक्षण करण्यात येईल. यामध्ये नागरिकांचे आजार, वृद्धांचे आजार यासह अनेक प्रकारची माहिती गोळा केली गेली.

‘तिसऱ्या लाटेचा सामना करण्यासाठी प्रभावी’ ठरणारी योजना

• ‘मुलांचा हा आरोग्य डेटा सर्व भागातील दवाखाने आणि आरोग्य केंद्रांनाही उपलब्ध करून दिला जाईल. असे मुंबई मनपाच्या कार्यकारी आरोग्य अधिकारी डॉ. मंगला गोमारे म्हणाल्या.
• तिसऱ्या लाटेत, मुलांना अधिक धोका असण्याच्या चिंतेत ही डेटा बँक मुलांना कोरोनापासून वाचवण्यासाठी प्रभावी ठरू शकते.
• अलीकडेच मुंबई मनपाने मुलांवर एक सेरो सर्वेक्षण केले.
• या सर्वेक्षणात घेतलेल्या नमुन्यांमध्ये, १० ते १४ वर्षे वयोगटातील ५३.४३ टक्के मुलांमध्ये अॅंटीबॉडीज आढळल्या.
• चार वर्षांपर्यंतच्या ५१.०४ टक्के मुलांमध्ये, ५ ते ९ वर्षांपर्यंतची ४७.३३ टक्के आणि १५ ते १८ वर्षांच्या ५१.३९ टक्के मुलांमध्ये अॅंटीबॉडीज आढळल्या.
• सरासरी ५१.१८ टक्के मुलांमध्ये अॅंटीबॉडीज आढळल्या आहेत.

कोणती माहिती गोळा केली जाईल

• किती मुले तंदुरुस्त आहेत आणि किती आजारी आहेत.
• किती मुलांना कर्करोग, दमा, व्हिटॅमिनची कमतरता आहे.