मुक्तपीठ टीम
कोरोना काळात लोकांचे जीवन पूर्णपणे बदलले आहे. लग्नाच्या पद्धतीही बदल केले जात आहेत. लग्न म्हटले की आहेर आलाच. आता कोरोना संसर्गाचा रोग, तो टाळत आहेर द्यायचा घ्यायचा कसा? या प्रश्नावरही काही वेगळे टचलेस म्हणजे स्पर्शाविना आहेर मिळवण्याचे मार्ग शोधले जात आहेत. अशीच एक भन्नाट कल्पना सध्या चर्चेचा विषय ठरली आहे. एका लग्नपत्रिकेवर क्यूआर कोड माध्यमातून ऑनलाइन आहेराचा पर्याय सुचवण्यात आला आहे.
तामिळनाडूच्या मदुरै येथील एका कुटूंबाने क्यूआऱ कोड ऑनलाइन आहेराची कल्पना शोधून काढली आहे. जिथे त्यांनी लग्नाच्या कार्डवरच ‘गूगल पे’ आणि ‘फोन पे’ चा क्यूआर कोड छापला आहे. नववधूची आई टी.जे. जयंती मदुरै येथे ब्लूज पार्लर चालवते. हा अनोखा विधी त्यांनी आपल्या मुलीच्या लग्नात सुरू केला. त्यांचा हा प्रयत्न सोशल मीडियावर व्हायरल होईल याची त्यांना कल्पना नव्हती.
लग्नाला आलेल्या पाहुण्यांनी डिजिटल आहेर दिला. जयंती म्हणाली की आमच्या कुटुंबात प्रथमच असा प्रयोग करण्यात आला. सुमारे ३० पाहुण्यांनी डिजिटल पेमेंटचा वापर केला. हे लग्न १७ जानेवारी रोजी झाले होते, परंतु नंतर तिचे कार्ड व्हायरल झाले. यानंतर त्यांना व त्यांच्या कुटुंबातील इतर सदस्यांनाही यासंदर्भात चौकशीसाठी फोन येत आहेत.
पाहा व्हिडीओ:
Subscribe
