ऑस्ट्रेलिया विरूद्धच्या तिसऱ्या कसोटी सामन्याच्या दुसऱ्या दिवसअखेरीस भारताने २ बाद ९६ धावा केल्या. ऑस्ट्रेलियाने अनुभवी खेळाडुंच्या जबरदस्त खेळीने पहिल्या डावात ३३८ धावांपर्यंत मजल मारली. या आव्हानाला प्रत्युत्तर देताना रोहित शर्मा आणि शुबमन गिल यांनी भारताला चांगली सुरुवात मिळवून दिली. पण खेळपट्टीवर स्थिरावल्यानंतर हे दोघे माघारी परतले. मात्र, या जोडीने एक पराक्रम आपल्या नावी केला आहे.
ऑस्ट्रेलिया दौऱ्यातील रोहित शर्माचा हा पहिला सामना असून तो शुबमन गिलसोबत मैदानात उतरला होता. या दोघांनी ७० धावांची दमदार भागीदारी केली. दोघेही शांत आणि संयमी खेळ खेळत होते. या दोघांनी २७ षटके एकत्र खेळली. भारतीय सलामीवीरांनी आशिया खंडाबाहेर कसोटी क्रिकेट खेळताना २० पेक्षा जास्त षटकं खेळण्याचा योग तब्बल ११ वर्षांनंतर जुळून आला. याआधी २०१० साली दक्षिण आफ्रिकेच्या सेंच्युरियन मैदानावर विरेंद्र सेहवाग-गौतम गंभीर जोडीने असा पराक्रम केला होता.
पृथ्वी शॉ, मयंक अग्रवाल, शुबमन शिल या तीन सलामीवीरांनी पहिल्या दोन कसोटी सामन्यात म्हणजे चार डावांत त्यांनी ८.५ षटके खेळली होती, तर रोहित-गिल या जोडीने पहिल्याच डावात २७ षटकांपर्यंत खेळपट्टीवर तग धरला.
दरम्यान, बचावात्मक फटका खेळताना रोहित जोश हेजलवूडच्या गोलंदाजीवर बाद झाला. त्याने ७७ चेंडूत ३ चौकार, १ षटकार लगावत २६ धावा केल्या. तर शुबमन गिलने १०१ चेंडूत ८ चौकारांसह त्यांने ५० धावा केल्या.
Subscribe
