मुक्तपीठ टीम
मुंबई अध्यक्ष व आमदार मंगलप्रभात लोढा यांच्या नेतृत्वात मुंबई भाजपाच्या शिष्ठमंडळाने मुंबईचे पोलीस आयुक्तांची भेट घेतली. मुंबईत लॉकडाऊनमुळे व्यापारी व दुकानदार वर्गाला अनेक समस्यांना सामोरे जावे लागत असल्याची माहिती पोलीस आयुक्तांना दिली. आमदार मंगलप्रभात लोढा म्हणाले की, व्यापारी व दुकानदारांना उदरनिर्वाह करण्याचा मुलभूत अधिकार आहे.
कोरोना सारख्या महामारीला वेळीच आळा घालणे ही आवश्यक आहे. परंतु व्यापारी व दुकानदारांना कुटुंबाचा उदरनिर्वाह करण्यासाठी दुकाने सुरू ठेवणं आवश्यक आहे. व्यापारी व दुकानदारांच्या कुटुंबाच्या उदरनिर्वाहासाठी दुकाने सुरू करण्याची मागणी मंगलप्रभात लोढा यांनी केली.
महाविकास आघाडी सरकारने मुंबईकरांचे मालमत्ता, पाणी कर व विजेचे बिल माफ करण्याची मागणी आमदार अतुल भातखळकर यांनी केली आहे.
Subscribe
