महाराष्ट्रात लसीकरणाचा राष्ट्रीय विक्रम, एका दिवसात ४ लाख ६२ हजार नागरिकांचे लसीकरण!

मुक्तपीठ टीम

राज्यात कोरोना लसीकरणाचा वेग वाढला आहे. काल राज्यात एकाच दिवशी ४ लाख ६२ हजार ७३५ नागरिकांचे लसीकरण करण्यात आले आहे. एकाच दिवसात लसीकरणाचा टप्पा गाठल्याने महाराष्ट्राच्या नावावर राष्ट्रीय विक्रमाची नोंद झाली आहे. याची दखल घेऊन मुख्यमंत्री उद्धव ठाकरे, आरोग्यमंत्री राजेश टोपे यांनी यंत्रणेनेचे कौतुक करीत अभिनंदन केले आहे.

देशात लसीकरणाच्या बाबतीत महाराष्ट्र आघाडीवर राहीला आहे. कोरोनाच्या वाढत्या पार्श्वभूमीवर राज्यात लसीकरणाला वेग देण्यासाठी सध्या होत असलेल्या लसीकरणाच्या दुप्पट संख्येने लसीकरण करण्याचे उद्दीष्ट ठेवण्यात आले असून यंत्रणेच्या प्रभावी कामगिरीमुळे आणि नागरिकांकडून मिळत असलेल्या प्रतिसादामुळे काल महाराष्ट्राने राष्ट्रीय विक्रमाची कामगिरी बजावली आहे. महाराष्ट्रात आतापर्यंत ७३ लाख ५५ हजार २४४ जणांना लस टोचण्यात आली आहे. त्यापैकी ६५ लाख ५९ हजार ०९४जणांना लसीचा पहिला डोस तर, ७ लाख ९५ हजार १५० जणांना लसीचा दुसरा डोस देण्यात आला आहे.

राज्यात कोरोना प्रतिबंधात्मक लसीकरणाने वेग घेतला असून काल 3 एप्रिल रोजी एकाच दिवसात 4 लाख 62 हजार नागरिकांना लसीकरण करण्यात आले.एकाच दिवसात एवढ्या उच्चांकी संख्येने लसीकरण करण्याची देशातील ही पहिलीच वेळ असून त्याचा विक्रम महाराष्ट्राच्या नावावर नोंदविला गेला आहे. pic.twitter.com/Sjk944s9rU

— Rajesh Tope (@rajeshtope11) April 4, 2021

राज्यात १ एप्रिलपासून ४५ वर्षांवरील नागरिकांना लसीकरणाला सुरूवात झाली. त्यामुळे लसीकरणाचे प्रमाण वाढले आहे. लसीकरणाच्या पहिल्याच ३ लाखांहून अधिक जणांना लस देण्यात आली. काल ३ एप्रिल रोजी राज्यभर ४१०२ लसीकरण केंद्रांच्या माध्यमातून आतापर्यंतची सर्वोच्च संख्या पार करीत ४ लाख ६२ हजार जणांना लस देण्यात आली. अशाच पद्धतीने लसीकरणाला वेग दिल्यास लवकरच राज्यात दिवसाला सहा लाखांहून अधिक नागरिकांना लस देण्याचे उद्दिष्ट गाठता येईल, असे मुख्यमंत्री उद्धव ठाकरे यांनी सांगितले.

काल राज्यातले एकूण लसीकरण