महाराष्ट्रातल्या ‘या’ गावात ३२ एकर जमीन माकडांसाठी मोकळी…जणू ते इथले मालकच!

मुक्तपीठ टीम

आजच्या युगात जमिनीवरून वाद होणे सामान्य झाले असताना एक गाव असं आहे जिथे ३२ एकर जमीन ही माकडांसाठी राखीव आहे. होय, हे घडलं आहे ते ही आपल्या महाराष्ट्रात. महाराष्ट्रातील उस्मानाबाद जिल्ह्यातील एका गावात ३२ एकर जमीन माकडांच्या नावावर नोंदवल्याची दुर्मिळ घटना समोर आली आहे. उस्मानाबादच्या उपळा गावात लोक माकडांना विशेष मान देतात. ते त्यांच्या दारात आल्यावर त्यांना अन्नदान करतात आणि काही वेळा विवाह सोहळा सुरू करण्यापूर्वी त्यांचा मानपानही केला जातो. उपळा ग्रामपंचायतीच्या जमिनीच्या नोंदीनुसार गावात राहणाऱ्या सर्व माकडांच्या नावावर ३२ एकर जमीन आहे.

या गावच्या सरपंचांनी याबाबत सविस्तर माहिती दिली…

• उपळा गावचे सरपंच बप्पा पडवळ यांनी दिलेल्या माहितीनुसार, ही ३२ एकर जमिन माकडांच्या मालकीची असल्याचे कागदपत्रात स्पष्टपणे नमूद केले आहे.
• परंतु प्राण्यांसाठी ही तरतूद कोणी आणि केव्हा केली हे माहित नाही.
• गावात आता जवळपास १०० माकडं आहेत आणि प्राणी एकाच ठिकाणी जास्त काळ राहत नसल्याने त्यांची संख्या गेल्या काही वर्षांत कमी होत आहे.

वनविभागाने या जमिनीवर वृक्षारोपण केले

• वनविभागाने जमिनीवर वृक्षारोपण केले होते आणि त्या भूखंडावर एक घरही होते, ते आता कोसळले आहे.
• सरपंच म्हणाले, आधी गावात जेव्हा कधी लग्नं व्हायची तेव्हा आधी माकडं दाखवायचे आणि मगच समारंभ सुरू व्हायचा.
• तसेच, आता प्रत्येकजण ही प्रथा पाळत नाही.
• या गावात माकडांना कोणीही खाण्यास मनाई करत नाही.