मुक्तपीठ टीम
झाकीर नाईकला फिफा विश्वचषक २०२२ साठी आमंत्रित करण्यात आले आहे. वादग्रस्त स्वयंघोषित इस्लामी धर्मोपदेशक झाकीर नाईकला रविवारपासून सुरू होणाऱ्या फिफा विश्वचषक स्पर्धेत व्याख्यान देण्यासाठी कतारने आमंत्रित केले आहे. नाईक २०१७ पासून मलेशियामध्ये राहत आहे असे म्हटले जात आहे. प्रक्षोभक भाषण दिल्याबद्दल झाकीर नाईकवर भारतात बंदी घालण्यात आली असून त्याच्याविरुद्ध अटक वॉरंट आहे.
झाकीर नाईक हा व्यवसायाने डॉक्टर असून तो मुंबईत राहत असल्याची माहिती आहे. अहमद दीदत या सुरतमधील धर्मोपदेशकाकडून प्रभावित होऊन नाईक इस्लामी धर्मोपदेशक बनले, जे नंतर दक्षिण आफ्रिकेत स्थायिक झाले. ते इस्लामिक रिसर्च फाउंडेशन म्हणजेच आयआरएफचे संस्थापक आणि अध्यक्ष आहेत, ज्यावर भारतात बंदी आहे.
झाकीर नाईकवर असलेले आरोप
- झाकीर नाईकवर मनी लाँड्रिंग आणि भारतात द्वेषयुक्त भाषणाचा वापर केल्याचा आरोप आहे.
- तो मूलगामी शिकवणींसाठी ओळखला जातो.
- त्याच्यावर जबरदस्तीने धर्मांतर करणे, आत्मघाती बॉम्बस्फोटांचे समर्थन करणे आणि हिंदू देवतांच्या विरोधात आक्षेपार्ह टिप्पण्या पोस्ट केल्याचा आरोप आहे.
- नाईक भारतात वाँटेड आहे कारण त्याच्यावर मनी लाँड्रिंगचे आरोप आहेत आणि कथित दहशतवादाशी संबंधित कारवायांशीही त्याचा संबंध आहे.
झाकीर संचालित चॅनल्सना भारतासह ‘या’ देशांमध्येही बंदी!
- झाकीर संचालित चॅनल, पीस टीव्ही आणि पीस टीव्ही उर्दू, भारत, बांगलादेश, श्रीलंका, कॅनडा आणि युनायटेड किंगडमसह अनेक देशांमध्ये बंदी आहे.
- २०१६च्या ढाका येथील होली आर्टिसन बेकरी बॉम्बस्फोटात २० लोक मारल्या गेलेल्या गुन्हेगारांना आपल्या भाषणातून प्रभावित केल्याचा आरोप नाईकवर आहे.
- २०१९मध्ये, श्रीलंकेत इस्टर बॉम्बस्फोट झाले ज्यात २५०हून अधिक लोक मारले गेले.
- नॅशनल इन्व्हेस्टिगेशन एजन्सीने झाकीर नाईकची चौकशी सुरू करण्यापूर्वी तो २०१६ मध्ये मलेशियाला पळून गेला होता.
Subscribe
