मुक्तपीठ टीम
कोल्हापूर उत्तर विधानसभा पोटनिवडणुकीच्या प्रचारादरम्यान माजी खासदार धनंजय महाडिक यांनी महिलांबद्दल अपमानास्पद केलेल्या वक्तव्याच्या निषेधार्थ महिला काँग्रेसच्या कार्यकर्त्यांनी कावळा नाका येथील छत्रपती ताराराणी पुतळ्यासमोर निदर्शने केली. धनंजय महाडिक निषेधार्थ जोरदार घोषणाबाजीही करण्यात आली.
माजी खासदार धनंजय महाडिक यांनी महिलांबद्दल केलेल्या वक्तव्याचा व्हिडीओ सोशल मीडियावर व्हायरल होत आहे. काँग्रेसच्या उमेदवार महिला आहेत, त्यामुळे महिलेला मतं द्या, असं ते सांगतील. पण जे काम तुमचा प्लंबर असलेला, इलेक्ट्रिशियन असलेला नवरा करतो, ते तुम्हाला जमणार आहे का? ज्याचे काम त्यानंच करावं, अशी टिप्पणी महाडिक यांनी केल्याने त्यांचा संपूर्ण स्तरावरून निषेध केला जात आहे.
महिला विषयी वक्तव्याची दखल घेत भाजप महिला आघाडीच्या नेत्या चित्रा वाघ यांनी घरचा आहेर देत खासदार धनंजय महाडिक यांना खडसावले आहे. चित्रा वाघ यांनी ट्विट करून मातृशक्तीचा अपमान होईल असं वक्तव्य कोणी करू नये असे आवाहनही केले .इतिहास सांगतो आमुचा स्त्रीने शत्रू तुडविला. महिलांचा सन्मान व्हायलाच हवा असे चित्रा वाघ यांनी ट्विट करून म्हटले आहे
Subscribe
