अयोध्येतील श्री राम मंदिर कधी तयार होणार? हा घ्या मुहूर्त…

मुक्तपीठ टीम

अयोध्येतील श्री राम मंदिर नेमकं कधी साकारलं जाणार आणि भाविकांना श्रीराम प्रभूंचे दर्शन मिळेल, असे प्रश्न नेहमीच विचारले जातात. आता त्याचं उत्तर मिळालं आहे. विश्व हिंदू परिषदेचे राष्ट्रीय उपाध्यक्ष आणि श्री रामजन्मभूमी तीर्थ क्षेत्र ट्रस्टचे सरचिटणीस चंपत राय यांनी त्याबद्दल माहिती दिली. त्यांनी सांगितलेला मुहूर्त हा २०२३च्या अखेरीचा आहे, म्हणजे २०२४ च्या उन्हाळ्यातील लोकसभा निवडणुकांपूर्वी अयोध्येत श्रीराममंदिर साकारलेले असेल.

चंपत राय यांनी सांगितला श्री राम मंदिर साकारण्याचा मुहूर्त

• पुढील वर्षाच्या अखेरीस अयोध्येतील श्री राम मंदिराचे बांधकाम पूर्ण होईल.
• अयोध्येतील राम मंदिराभोवती एक किलोमीटरची आयताकृती भिंत बांधण्यात येणार आहे.
• श्री राम मंदिर भव्य होईल.

सरकारच्या नाही जनकृपेवर कार्य…

• अयोध्येतील श्री राम मंदिराच्या उभारणीचे उदाहरण देताना, चंपत राय म्हणाले की, आम्ही कधीही सरकारच्या कृपेच्या जोरावर कोणतेही काम सुरू केले नाही. अयोध्येत श्री राम मंदिराच्या उभारणीसाठी सरकारच्या नाही तर जनतेच्या सहकार्याचं मोलाचं ठरलं, असंही ते म्हणाले.
• अयोध्येतील राम मंदिराच्या उभारणीसाठी भाविकांनी एवढी साथ दिली की ५ वर्षे दुसरे काही घेण्याची गरज नाही.
• जे काही आले आहे ते श्री प्रभू रामचंद्रांना समर्पित आहे.

उत्तरप्रदेशातील अलिगडच्या तळानगरी येथील रसिक टॉवर येथे आयोजित अभिनंदन समारंभात सर्वप्रथम सहभागी त्यांनी होऊन भाषण केले. त्यानंतर चर्रा येथील खुलवली गावात विहिंपच्या आश्रमशाळेची पायाभरणी करण्यात आली. मग श्रीमद्भवगत कथेत सहभागी झाले.