मुक्तपीठ टीम
जगभरात व्हॉट्सअॅप यूजर्स सर्वात जास्त आहेत. सध्या इन्स्टंट मेसेजिंग अॅप व्हॉट्सअॅप आपल्या प्लॅटफॉर्मसाठी वेळोवेळी नवनवीन फिचर्स घेऊन सज्ज होत आहे. मात्र, व्हॉट्सअॅपवर मोठ्या आकाराचे व्हिडीओ पाठवायचे असतील तर मर्यादा होती. किंवा ती डॉक्युमेंट स्वरुपात पाठवावी लागत असे. याउलट टेलिग्रामवर अशी मर्यादा नसून तब्बल २ जीबी आकाराच्या फाइल पाठवणे शक्य असते. आता व्हॉट्सअॅपही बदलत आहे. लवकरच येणारे नवे फिचर आकार मर्यादा दूर करणार आहे. त्यामुळे हाय क्वॉलिटी फोटो किंवा व्हिडीओ पाठवणे शक्य होणार आहे.
यूजर्ससाठी ही समस्या काय आहे आणि नवीन फीचर कसे काम करणार?
- बरेच लोक व्हॉट्सअॅपवर हाय क्वॉलिटीचे फोटो आणि व्हिडीओ पाठवण्यासाठी डॉक्यूमेंट्स स्वरूपात पाठवतात.
- जेव्हाही यूजर्स डॉक्युमेंटच्या माध्यमातून फोटो किंवा व्हिडीओ पाठवतात तेव्हा ते गोंधळात टाकणारे ठरते. यामुळे पाठवलेले फोटो आणि व्हिडीओचे प्रिव्ह्यू व्हॉट्सअॅपवर दिसत नाही, त्यामुळे योग्य फाईल शोधणे कठीण होते. यावेळी फक्त फाइलचे नाव दिसते.
व्हॉट्सअॅपचे मीडिया फाइल्स पाहण्यासाठीचे आधुनिक फिचर
- व्हॉट्सअॅप मीडिया फाइल्स पाहण्यासाठी एक नवीन फिचर आणणार आहे. याद्वारे डॉक्युमेंट म्हणून पाठवलेले फोटो आणि व्हिडीओचे प्रिव्ह्यू पाहता येणार आहेत.
- आता व्हॉट्सअॅपवर हाय क्वॉलिटीचे फोटो पाठवणे आणखी सोपे होणार आहे.
- अहवालात या फिचरचा स्क्रीनशॉट देखील दर्शविला गेला आहे, जे दर्शविते की, फोटो पाठवणारा किंवा घेणारा दोघेही फाइल डाउनलोड करण्यापूर्वी किंवा उघडण्यापूर्वी त्याचा प्रीव्ह्यू पाहू शकतील.
- सध्या, व्हॉट्सअॅप केवळ निवडक बीटा यूजर्ससाठी या फिचरची चाचणी करत आहे.
Subscribe
