मंकीपॉक्सचा धोका ओळखा! मास्क वापरा, अंतर ठेवा, कोरोनासारखीच काळजी घ्या!!

मुक्तपीठ टीम

कोरोनापाठोपाठ आता मंकीपॉक्सचा संसर्ग भारतात वाढत आहे. भारतात या आजाराशी संबंधित रुग्णांची संख्या ८वर पोहोचली आहे. मंकीपॉक्सवर नियंत्रण ठेवण्यासाठी आणि लोकांना जागरूक करण्यासाठी केंद्रीय आरोग्य मंत्रालयाने काय करावे आणि काय करू नये याची यादी जारी केली आहे. ‘गाईडलाईन्स ऑन मॅनेजमेंट ऑफ मंकीपॉक्स डिसीज’ या नावाने जारी करण्यात आलेल्या मार्गदर्शक तत्त्वांमध्ये असेही म्हटले आहे की, जो व्यक्ती रुग्णाच्या वारंवार संपर्कात येतो किंवा बराच काळ जवळ राहतो त्यालाही संसर्ग होऊ शकतो.

मंकीपॉक्सचाही प्रसार होत असल्याने याचे कोरोनाप्रमाणे संकट येऊ नये या अपेक्षेने हे निर्बंध पुन्हा एकदा लावले आहेत. याबाबत आरोग्य मंत्रालयाने एक ट्विट केले आहे. यामध्ये हँड सॅनिटायझरच्या वापरासोबतच मास्क घालण्याचा सल्ला देण्यात आला आहे. सामान्य लोकांच्या दैनंदिन दिनचर्येवर परिणाम करणारे हे काही निर्बंध आहेत, जे कोरोना संसर्गाच्या काळात काटेकोरपणे पाळले गेले.

मंकीपॉक्स संसर्ग टाळण्यासाठी काय करावे आणि काय नाही यासाठीचे सोपे उपाय!!

सॅनिटायझर वापर

• संसर्ग झालेल्या व्यक्तीला इतरांपासून दूर ठेवणे आवश्यक आहे.
• लोकांनी हँड सॅनिटायझर वापरावे, साबणाने हात धुवावे, मास्क घालावा, रुग्णाच्या जवळ असताना डिस्पोजेबल हातमोजे घालावेत आणि वातावरण स्वच्छ करण्यासाठी जंतुनाशकांचा वापर करावा.

संसर्ग झालेल्या व्यक्तीचे कपडे, टॉवेल किंवा इतर गोष्टी स्वच्छ करू नका

• संसर्गित व्यक्तीचे कपडे, टॉवेल किंवा चादरी स्वच्छ करू नका.
• एखाद्या व्यक्तीला संसर्गाची लक्षणे आढळल्यास, त्याने गर्दीच्या ठिकाणी जाणे टाळावे.
• संशयित रूग्णांमध्ये भेदभाव करू नका किंवा त्यांना टोमणे मारू नका. अफवा किंवा चुकीच्या माहितीकडे दुर्लक्ष करा.

संशयित रुग्ण कसे ओळखावे?

• व्यक्तीला मंकीपॉक्सचा संशयित रुग्ण मानला जाईल, ज्याने २१ दिवसांच्या आत या आजाराने प्रभावित देशात प्रवास केला आहे.
• व्यक्तीला मानेला सूज, ताप, डोकेदुखी, अंगदुखी, अशक्तपणा, अंगावर लाल पुरळ उठणे असे जाणवते.
• संसर्गित व्यक्ती किंवा संशयित रुग्णाच्या संपर्कात येणारे लोक देखील लोकांच्या धोक्यात येतील.
• प्रयोगशाळेत चाचणी केल्यानंतरच मंकीपॉक्सचे प्रकरण निश्चित होईल.

२१ दिवस देखरेख केली जाणार

• संपर्कात असलेल्या लोकांवर २१ दिवस नजर ठेवली जाईल, रुग्णाच्या प्रत्यक्ष किंवा अप्रत्यक्ष संपर्कात आलेल्या व्यक्तीवर २१ दिवस नजर ठेवली जाईल.
• लक्षणं असलेल्या व्यक्तीने रक्तदान, अवयव दान करू नये त्यामुळे दुसर्‍या व्यक्तीला संसर्ग होण्याचा धोका असेल.
• लहान मुलांना डे केअर, पाळणाघरात किंवा जास्त मुले राहतात अशा ठिकाणी ठेवू नका असा सल्ला देण्यात आला आहे.