चीनमध्ये कोरोना पुन्हा उफाळला, नेमकं काय चुकलं?

मुक्तपीठ टीम

चीनला कोरोनाने पुन्हा ग्रासले आहे. मोठी लोकसंख्या केरेना संसर्गाच्या विळख्यात आली आहे. मृत्यूवरही नियंत्रण नाही. अशा परिस्थितीत शून्य कोरोना धोरण असूनही कोरोनावर नियंत्रण मिळवण्यात चीन कुठे हुकला, असा प्रश्न उपस्थित होत आहे. अती नियम चीनसाठी अडचणी निर्माण करत आहे असे असावे विशेष म्हणजे सोमवारी चीनच्या आरोग्य अधिकाऱ्यांनी दोन रुग्णांच्या मृत्यूची माहिती दिली आहे. असा दावा केला जात आहे की चीन कोरोनामुळे मृत्यूची आकडेवारी लपवत आहे. आता जाणून घेऊया नेमकं काय चुकलं ज्यामुळे चीनमध्ये कोरोना पुन्हा उफाळला आहे.

ZERO COVID धोरण स्वीकारले मग अडचण कुठे आहे?

कोरोनाबाबत चीनचा दृष्टिकोन संपूर्ण जगापेक्षा वेगळा होता.
चीनने ZERO COVID धोरण स्वकारले होते.
येथे नोंदवलेली सर्व प्रकरणे, अगदी लक्षणे नसलेल्यांनाही अनिवार्यपणे रुग्णालयात दाखल करण्यात आले.
संसर्गाचा प्रसार कमी प्रमाणात झाला असला तरीही लॉकडाऊन लागू करण्यात आला आहे.
संशयित प्रकरणे आणि त्यांच्या संपर्कात आलेल्या सर्वांना लांब ठेवण्यात आले आहे.
चीनची आर्थिक राजधानी, जिथे २५ दशलक्षाहून अधिक लोक राहतात, तिथे मार्चमध्ये संपूर्ण लॉकडाऊन होते.
चीनची रणनीती कोरोनाचा पूर्णपणे नायनाट करण्याची होती.
त्यासाठी लोकांवर कठोर निर्बंध लादण्यास मागेपुढे पाहिले नाही.
ही रणनीती खूपच त्रासदायक होती.
कोरोनावर नियंत्रण ठेवण्यासाठी अवलंबलेली ही कठोर रणनीती चीनच्या समस्येचे मूळ बनली.
संपूर्ण लॉकडाऊनमुळे लोकांची ये-जा खूप कमी राहिली आणि मोठ्या लोकसंख्येला कोरोनाचा फटका बसला नाही.
लोकांमध्ये रोग प्रतिकारशक्ती निर्माण होऊ शकली नाही.
लसीकरण फारसे प्रभावी नव्हते.