मुक्तपीठ टीम
नवी मुंबईकडे जाणाऱ्या लोकांसाठी ही बातमी खूप खास आहे. महाराष्ट्र सरकार लवकरच मुंबई ते नवी मुंबई दरम्यान जलवाहतूक सुरू करणार आहे. यामुळे लोकल ट्रेनमधील गर्दी व त्रासातून केवळ लोक मुक्त होणार नाहीत तर, त्यांचा वेळही वाचणार आहे.
ही बोट मुंबईतील प्रिन्सेस डॉक येथून सुरू करुन बेलापूरला जाईल. मुंबई पोर्ट ट्रस्टचे अध्यक्ष राजीव जलोटा यांनी दिलेल्या माहितीनुसार, येत्या काही वर्षांत ते मुंबई, नवी मुंबई आणि ठाणे या शहरांशीही जोडणारी जलवाहतूक सुरू करणार आहेत. यासंदर्भातील जवळपास सर्व कामे पूर्ण झाली आहेत.
राजीव जलोटा यांच्या म्हणण्यानुसार, ठाण्यातील वाशी, नेरूळ, ऐरोली आणि मीठ बंदर येथे थांबे देण्यात येणार आहेत. जलमार्गाने प्रवास केल्यानंतर १ तासाच्या आत मुंबईहून नवी मुबईत पोहोचता येते.
पाहा व्हिडीओ:
Subscribe
