आता विवोचा रंग बदलणारा स्मार्टफोन! प्रकाशात बदलणार बॅक कव्हर!!

मुक्तपीठ टीम

युजर्सना क्रेझी करण्यासाठी विवो नेहमीच धमाकेदार स्मार्टफोन बाजारात लाँच करत असतो. यावेळी देखील विवोचा नवीन स्मार्टफोन खूप चर्चेच आहे. विवोने उन्हात रंग बदलणारा विवो व्ही२५ हा स्मार्टफोन भारतात लाँच केला आहे. हा मिड बजेट सेगमेंट स्मार्टफोन आहे. या स्मार्टफोनची रचना विवो V25 Pro सारखीच आहे. कंपनीने या स्मार्टफोनमध्ये कलर चेंजिंग टेक्नॉलॉजीचाही वापर केला आहे.

विवो V25 चे काही खास वैशिष्ट्य…

विवोने या स्मार्टफोनमध्ये रंग बदलणारी AG डिझाइन वापरली आहे.
या स्मार्टफोनचा रंग उन्हात आल्यावर बदलतो.
विवो V25 मध्ये कंपनीने ६.४-इंचाचा AMOLED डिस्प्ले दिला आहे.
हा डिस्प्ले ९० हर्ट्स फास्ट रिफ्रेश रेटला देखील सपोर्ट करतो.
विवो V25 मध्ये परफॉर्मन्ससाठी मीडियाटेक डायमेंशन ९०० चिपसेट वापरण्यात आला आहे.
V25 च्या स्टोरेज मध्ये ८जीबी/१२८जीबी आणि १२जीबी/२५६जीबी स्टोरेज पर्याय देण्यात आले आहेत.
विवो V25 आउट ऑफ द बॉक्स अँड्रॉइड १२ सह येतो.
फोनच्या मागील बाजूस ट्रिपल कॅमेरा सेटअप आहे, त्याचा प्रायमरी कॅमेरा ६४एमपी, ८ एमपी अल्ट्रावाइड कॅमेरा आणि २एमपी मॅक्रो कॅमेरा देण्यात आला आहे.
सेल्फी आणि व्हिडिओ कॉलिंगसाठी फ्रंटमध्ये ५०एमपी शूटर देण्यात आला आहे.
विवोने या स्मार्टफोनमध्ये ४५०० एम ए एच बॅटरी वापरली आहे आणि ते ४४ वॉट्स फास्ट चार्जिंगला देखील सपोर्ट करते.

विवो स्मार्टफोन २ व्हेरिएंटमध्ये लाँच करण्यात आला आहे.
व्हेरिएंटनुसार ८जीबी / १२८जीबी व्हेरिएंटची किंमत २७,९९९ रुपये आहे
१२जीबी / २५६ जीबी स्टोरेज व्हेरिएंटची किंमत ३१,९९९ रुपये आहे.
विवो V25 स्मार्टफोनची विक्री फ्लिपकार्ट बिग बिलियन डेज सेल दरम्यान सुरू होईल.
सेल दरम्यान, आयसीआयसीआय बँक किंवा एक्सीस बँक कार्ड वापरल्यास, त्वरित १० टक्के सूट दिली जाईल.
या स्मार्टफोनवर एक्सचेंज ऑफर देखील देण्यात येणार आहेत.