कोरोना रोखण्यासाठी नागरिकांनी मास्क वापरत दक्षता घ्यावी, राज्यमंत्री विश्वजित कदमांचं आवाहन

मुक्तपीठ टीम

राज्यात कोरोनाची रुग्णसंख्या अचानक वाढल्यामुळे चिंतेचा विषय असला तर यापुढे कोरोना वाढू नये यासाठी नागरिकांनी सुद्धा खबरदारी घ्यावी आणि मस्क वापरावेत असे आवाहन कृषिराज्यमंत्री विश्वजित कदम यांनी केले आहे. ते सांगलीत काँग्रेस कार्यकर्त्यांच्या बैठकीनंतर बोलत होते.

ओमायक्राॅनची रुग्णसंख्या झपाट्याने वाढताना आढळून येत आहे मात्र ती वाढू नये यासाठी प्रशासनाला दक्षतेच्या सूचना दिल्या आहेत.

यावेळी अवकाळी नुकसान ग्रस्त काही शेतकऱ्यांना नुकसानभरपाई मिळाली आहे मात्र निधी नसल्यामुळे काहींना मिळाली नाही मात्र फेब्रुवारीच्या बजेट अधिवेशनानंतर उर्वरित शेतकऱ्यांच्या खात्यात मदत दिली जाईल

दरम्यान, राज्यात आणि सांगली जिल्ह्यात होत असणाऱ्या नगरपंचायत आणि महापालिका निवडणुकीत काँग्रेस पक्षच अव्वल ठरेल असा विश्वासही विश्वजित कदम यांनी व्यक्त केला.