कोयना प्रकल्पग्रस्तांना पर्यायी जमिन वाटपाची कार्यवाही तात्काळ करावी – विजय वडेट्टीवार

मुक्तपीठ टीम

कोयना प्रकल्पग्रस्तांना देण्यात येणाऱ्या पर्यायी जमिनींकोयना प्रकल्पग्रस्तांना देण्यात येणाऱ्या पर्यायी जमिनींबाबत सातारा, सांगली, सोलापूर, रायगड, ठाणे तसेच पालघर या  जिल्हा प्रशासनांनी पात्र लाभार्थ्यांना मान्य असलेली जागा वाटपाची कार्यवाही तात्काळ करावी, अशा सूचना आपत्ती व्यवस्थापन, मदत व पुनर्वसन मंत्री विजय वडेट्टीवार यांनी दिल्या.

सह्याद्री अतिथीगृह येथे कोयना प्रकल्प पुनर्वसन आढावा बैठक झाली. या बैठकीत वडेट्टीवार बोलत होते. यावेळी मदत व पुनर्वसनचे प्रधान सचिव असीम गुप्ता, कोकणचे विभागीय आयुक्त विलास पाटील, कोकण पुनर्वसन विभागाचे आयुक्त पंकज देवरे, पुनर्वसन विभागाचे उपसचिव धनंजय नायक, महसूल विभागाचे उपसचिव अजित देशमुख, पालघरचे अपर जिल्हाधिकारी दिलीप गुट्टे, रायगड अपर जिल्हाधिकारी अमोल यादव, सांगली अपर जिल्हाधिकारी डॉ.स्वाती देशमुख, रत्नागिरी अपर जिल्हाधिकारी संजय शिंदे, ठाणे अपर जिल्हाधिकारी वैदही रानडे यावेळी उपस्थित होते.

मदत व पुनर्वसन मंत्री विजय वडेट्टीवार म्हणाले, कोयना प्रकल्पग्रस्तांना देण्यात येणाऱ्या पर्यायी जमिनींबाबत सातारा, सागंली, सोलापूर, रायगड, ठाणे तसेच पालघर या जिल्ह्यांनी पात्र लाभार्थ्यांच्या याद्या अंतिम  करून घ्याव्यात तसेच प्रशासनाकडे उपलब्ध असलेल्या जमिनींचे वर्गीकरण करावे. जेणेकरून लाभार्थ्यांनाही माहिती मिळेल. तसेच ज्या ठिकाणी जमिन उपलब्ध नाही अथवा काही अडचण असेल अशा ठिकाणांबाबत प्रस्ताव विभागाकडे पाठवावा जेणेकरून त्यावर तात्काळ कार्यवाही करता येईल. ज्या जमिनींचे वाटप करताना प्रत्येक जिल्हा प्रशासनाने काटेकोरपणे तपासणी करावी, अशा सूचनाही वडेट्टीवार यांनी केल्या.