मुक्तपीठ टीम
वीणा आर. श्रीनिवास यांनी महाराष्ट्र सर्कलच्या ‘मुख्य पोस्टमास्टर जनरल’ या पदाचा कार्यभार कार्यभार स्वीकारला आहे. त्या सन १९९१ च्या बॅचच्या भारतीय टपाल सेवा अधिकारी आहेत. त्यांनी सन २००२ ते २००४ पर्यंत आशियातील सर्वात मोठे पोस्ट आॅफिस ‘मुंबई जीपीओ’च्या संचालकपदाची मोठी जबाबदारी पार पाडली आहे.
त्यांची उच्च प्रशासकीय श्रेणीत पदोन्नती झाल्यामुळे या पदावर ८ डिसेंबर रोजी रुजू झाल्या. त्यांनी ‘लंडन स्कूल आॅफ इकॉनॉमिक्स’शी संलग्न असलेल्या पुणे येथील ‘गोकुळ इन्स्टिट्यूट आॅफ पॉलिटिक्स अँड इकॉनॉमिक्स’ येथून त्यानीअर्थशास्त्रात पदवी प्राप्त केली. त्यांनी मुंबई विद्यापीठातूनही अर्थशास्त्रात एमए आणि कायद्याची पदवीही घेतली आहे. टपाल विभागातील रेल्वे मेल सर्व्हिसमध्ये (पुणे) वरिष्ठ अधीक्षक म्हणून रुजू झाल्या. त्यानंतर टपाल खात्याच्या वरिष्ठ अधीक्षक, व्यवस्थापक आॅटोमॅटिक मेल प्रोसेसिंग सेंटर (मुंबई) उपविभागीय व्यवस्थापक, पोस्टल लाइफ इन्शुरन्स (मुंबई) म्हणून या विविध पदांवर त्यांनी काम केले. कनिष्ठ प्रशासकीय दर्जाच्या पदोन्नतीवर त्यांनी कानपूर येथील पोस्टल सर्व्हिसमध्ये संचालक (निदेशक) म्हणून काम केले.
सन २००४ ते २००९ या कालावधीत त्यांनी अणुऊर्जा विभागात उपसचिव आणि मरमुगोवा पोर्ट ट्रस्टच्या मुख्य दक्षताअधिकारी म्हणून प्रतिनियुक्तीवर काम केले आहे. त्यांनी डिसेंबर २००९ ते जानेवारी २०१३ या कालावधीत पोस्टल सर्व्हिसेस, गोवा आणि विदेश डाक भवन (मुंबई)या दोन्ही ठिकाणी येथे संचालक म्हणून काम केले आहे. वरिष्ठ प्रशासकीय श्रेणीतील पदोन्नतीवर, त्यांनी पोस्टमास्टर जनरल (मेल आणि व्यवसाय विकास) म्हणून बंगळुरू, पोस्टमास्टर जनरल (उत्तर कर्नाटक प्रदेश) धारवाड येथे २०१७ ते जून २०२१ पर्यंत आणि ,चेन्नई येथे पोस्टमास्टर जनरल (मेल आणि व्यवसाय विकास) मोठ्या आणि महत्वाच्या पदांवर काम केले आहे. त्यानंतर त्यांची पदोन्नती महाराष्ट्र सर्कलमध्ये ‘सीपीजी’ म्हणून झाली.
Subscribe
