मुक्तपीठ टीम
मुंबईत विकृतीचा कळस असणारी घटना घडली आहे. मुंबईच्या आर्थर रोड कारागृहात अनैसर्गिक बलात्कार केल्याची घटना समोर आली आहे. एनएम जोशी मार्ग पोलिसांनी अनैसर्गिक लैंगिक अत्याचाराचा गुन्हा दाखल केला असून पुढील तपास सुरू आहे. आरोपी मोहम्मद इर्शाद इस्लाम शेख हा गोवंडी येथील रहिवासी आहे. पोलिसांनी दिलेल्या माहितीनुसार, १५ मे २०२२ रोजी पहाटे आर्थर रोड कारागृहातील सर्कल क्रमांक १ मधील बॅरेक क्रमांक ७ मध्ये ही घटना घडली.
आर्थर रोड कारागृहाच्या अधीक्षकांकडून पोलिसांना ही तक्रार मिळाली होती, ज्यात कारागृहात लैंगिक शोषणाच्या कथित घटनेची चौकशी करण्यास पोलिसांना सांगितले होते. त्यानंतर एनएम जोशी मार्ग पोलिसांच्या दोन अधिकाऱ्यांनी तुरुंगात जाऊन पीडिताचे जबाब नोंदवले, जो मूळचा ओशिवरा येथील आहे. गेल्या अनेक दिवसांपासून तो कोणत्या ना कोणत्या प्रकरणात तुरुंगात आहे. पोलिसांनी सांगितले की, पीडिताच्या चौकशीत असे समोर आले आहे की, सात क्रमांकाच्या बॅरेकमध्ये राहणाऱ्या शेखने पीडितावर पहाटे २ ते २.३० च्या दरम्यान मारहाण केली आणि त्याला अनैसर्गिक लैंगिक संबंध ठेवण्यास भाग पाडले.
गंभीर परिणामांची पीडिताला धमकी दिली
पोलिसांनी दिलेल्या माहितीनुसार, आरोपीने पीडिताला गंभीर परिणाम भोगण्याची धमकीही दिली होती. पीडिताने कारागृह प्रशासनाला याची माहिती दिली. पोलिसांनी भारतीय दंड संहितेच्या कलम ३७७, ३२३ आणि ५०६ अंतर्गत गुन्हा दाखल केला आहे. एका अधिकाऱ्याने सांगितले की, “दोन्ही कैदी न्यायालयीन कोठडीत असल्याची प्रथमदर्शनी माहिती मिळाली आहे. आरोपीने आणखी काही कैद्यांसोबत असेच गुन्हेगारी कृत्य केले होते किंवा करण्याचा प्रयत्न केला होता का, याचाही आम्ही तपास करत आहोत.”
Subscribe
