मुक्तपीठ टीम
शिवसेनेच्या विदर्भ मराठवाड्यातील शिवसंपर्क अभियानाला आज सुरुवात झाली. शिवसेना पक्षप्रमुख मुख्यमंत्री उद्धव ठाकरे यांनी खासदारांना संबोधित करताना भाजपावर सडकून टीका केली. एमआयएमचे खासदार इम्तियाज जलिल हे गेले काही दिवस सातत्यानं महाविकास आघाडीला युतीची ऑफर देत आहेत. शिवसेना एमआयएमशी युतीच करू शकत नाही. ते शक्यच नाही. कारण एमआयएम ही भाजपाची ‘बी’ टीम आहे. भाजपाच्या इशाऱ्यावरच शिवसेनेला बदनाम करण्यासाठी एमआयएमचे प्रयत्न सुरु आहेत, असे ठाकरे यांनी ठणकावून सांगितले. लवकरच महाराष्ट्रात जनतेशी संवादासाठी फिरणार असल्याचे संकेतही त्यांनी दिल्याचं कळते.
भाजपाचं हिंदुत्व राजकारणासाठी, भाजपा हीच हिजबुल सेना!
- मुख्यमंत्री उद्धव ठाकरे यांनी हिंदुत्वाच्या मुद्द्यावरून शिवसेनेवर हल्ला करणाऱ्या भाजपावर त्याच मुद्द्यावर भाजपावर प्रतिहल्ला केला.
- भाजपाचं हिंदुत्व हे फक्त राजकारणासाठीच आहे.
- भाजपा काश्मिरात सत्तेसाठी मेहबुबा मुफ्ती यांच्यासोबत गेली होती.
- भाजपा हीच खरी हिजबुल सेना आहे.
- मविआ सरकारचा संबंध दाऊदशी जोडणं चुकीचं आहे.
- विरोधक जाणीवपूर्वक तसं करत आहे, आपण च्या कुरापती ओळखायला शिकलं पाहिजे.
मंगळवारपासून शिवसेनेचे शिवसंपर्क अभियान
- शिवसेनेचे शिवसंपर्क अभियान २२ मार्चपासून सुरु होणार आहे.
- शिवसंपर्क अभियानांतर्गत शिवसेनेचे खासदार आणि जिल्हाप्रमुख गावागावात जाऊन शिवसेनेची बांधणी करणार आहे.
- या अभियानाची जबाबदारी दिलेले शिवसेनेचे खासदार आणि जिल्हाप्रमुख यांना मुख्यमंत्री उद्धव ठाकरे यांनी मार्गदर्शन केले.
शिवसंपर्क अभियानात विदर्भात कोणावर कोणती जबाबदारी?
- खासदार संजय राऊत – नागपूर
- खासदार अरविंद सावंत- यवतमाळ
- खासदार गजानन कीर्तिकर: अमरावती
- खासदार श्रीकांत शिंदे: गडचिरोली
- खासदार कृपाल तुमाणे: वर्धा
- खासदार हेमंत पाटील: अकोला
- खासदार संजय जाधव: बुलढाणा
- खासदार प्रताप जाधव: वाशीम
- खासदार प्रियंका चतुर्वेदी: भंडारा
शिवसेनेची मिशन २०२४साठी तयारी!
- लवकरच उद्धव ठाकरेही महाराष्ट्रात फिरणार असल्याचे संकेतही त्यांनी दिले असल्याचं कळतं.
- लोकसभा निवडणुका आता दोन वर्षांवर आल्या आहेत, याकडे लक्ष वेधत त्यांनी मार्गदर्शन केले.
- निवडणुका दोन वर्षांवर आल्यामुळे शिवसेनेच्या नेते-पदाधिकाऱ्यांनी कामाला लागावे.
- शिवसेनेची बदनामी करणाऱ्या
- विरोधकांना जशास तसे उत्तर द्या.
- मला कण्याच्या, मानेच्या त्रासामुळे एका जागी थांबावं लागत आहे.
- लवकरच मी महाराष्ट्राच्या कानाकोपऱ्यात फिरणार आहे. तुमची साथ असल्यामुळे एका ठिकाणी बसून राज्याचे काम पुढे नेत आहे.
- महाविकास आघाडीचे निर्णय लोकांपर्यत पोहोचवा.