मुक्तपीठ टीम
पालघरमधील जव्हारमध्ये अल्पवयीन मुलीवर अत्याचारानंतर हत्येची घटना घडली आहे. बेपत्ता असलेल्या या मुलीचा मृतदेह सापडल्यावर घटना उघड झाली. दहावीची परीक्षा दिलेली १६ वर्षीय अल्पवयीन विद्यार्थ्यांनी ६७ टक्के गुणांनी उत्तीर्ण झाली. पण तिने तो आनंद साजरा करण्यापूर्वीच नराधमांनी तिच्यावर अत्याचार करून दगडाने ठेचून हत्या केल्याची धक्कादायक घटना घडली आहे.
ही घटना पालघरमधील जव्हारमध्ये घडली. जव्हार तालुक्यातील वडपाडा येथील ही हृदय हेलावणारी घटना असून मागील काही दिवसांपासून दहावीची परीक्षा दिलेली विद्यार्थिनी बेपत्ता होती. या बेपत्ता तरुणीचा मृतदेह शनिवारी जव्हारमधील तांबडपाडा येथे सापडला. तिच्यावर अत्याचार करून दगडाने ठेचून तिची निर्घृण हत्या करण्यात आल्याची शक्यता आहे . तिच्यावर बलात्कार झाल्याचा प्राथमिक अंदाज पोलीस प्रशासनाकडून व्यक्त करण्यात येत आहे. शवविच्छेदनाचा अहवाल अजूनही प्रतीक्षेत आहे .
पीडित विद्यार्थिनी ही मोलमजुरी करून आपल्या कुटुंबाचा उदरनिर्वाह करत असून दहावीच्या निकालात ती ६७% गुण मिळवत पास झाली. मात्र निकाल पाहून आनंद साजरा करण्याआधीच तिची निर्घृण हत्या करण्यात आली. या घटनेबाबत भादवि कलम ३०२ , ३०२, ३४२, तसेच पोस्को कायद्यांतर्गत जव्हार पोलीस ठाण्यात गुन्हा दाखल करण्यात आला आहे. याप्रकरणी दोघां नराधमांना पोलिसांनी बेड्या ठोकल्या आहेत आहे . तसंच पोलीस या प्रकरणाचा अधिक तपास करत आहेत
तर हे प्रकरण न्यायालयात फास्टट्रॅक पद्धतीने चालवून अटक आरोपींना कठोरात कठोर शिक्षा देण्यात यावी ही मागणी शिवसेनेकडून करण्यात आली आहे.
Subscribe
