एटीएममधून पैसे काढताना ‘या’ गोष्टींची काळजी घ्या…

मुक्तपीठ टीम

सध्या फसवणुकीच्या घटनांमध्ये झपाट्याने वाढ होत आहे. घोटाळेबाज एटीएममधून फसवणुकीच्या घटनाही घडवत आहेत. एटीएम कार्डच्या साहाय्याने पैसे काढताना छोट्या निष्काळजीपणामुळे चोरटे लाखो रुपयांचा गंडा घालू शकतात. एटीएम फसवणुकीच्या घटना रोजच पाहायला मिळतात आणि त्याची माहिती असूनही आपण चुका करतो आणि घोटाळेबाजांच्या जाळ्यात अडकतो. चला जाणून घेऊया या पाच टिप्स ज्या एटीएम वापरताना होणाऱ्या फसवणुकीपासून वाचवतील…

एटीएम पिन

• एटीएममधून पैसे काढताना एटीएम पिनचा वापर काळजीपूर्वक करा.
• गुप्तपणे पिन प्रविष्ट करा.
• एटीएममध्ये पैसे काढण्यासाठी जाता तेव्हा तेथे कोणीही नसावे.
• तेथे इतर कोणी असल्यास, त्याला बाहेर जाण्यास सांगा आणि संशय असल्यास, त्या एटीएममधून त्वरित बाहेर या.

एटीएम पिन आणि कार्ड कोणालाही देऊ नका

• मित्रांना किंवा नातेवाईकांना एटीएम कार्ड आणि पिन देऊ नये.
• एटीएम पिन आणि कार्ड कुणाला द्यावे लागले तर ताबडतोब कार्डचा पिन बदला आणि बँक स्टेटमेंट पहा.

एटीएम सुरक्षा तपासा

• एटीएममधून पैसे काढताना घाई करू नका.
• एटीएमच्या आतील बाजूस एक नजर टाका आणि कोणताही छुपा कॅमेरा बसवला आहे की नाही तपासा.
• एटीएम कार्ड स्लॉट देखील तपासा कारण स्कॅमर कधीकधी एटीएममध्ये क्लोनिंग उपकरणे किंवा कार्ड रीडर चिप्स स्थापित करतात.
• हे उपकरण एटीएम कार्डचा डेटा चोरते.
• शंका असेल तर ते एटीएम वापरू नका.

एटीएम पिन बदलत राहा

• एटीएम पिन वेळोवेळी बदलत राहा.
• बदलत राहिल्यास फसवणूक होण्याची शक्यता खूप कमी होते.
• यावर बँक सल्लाही देते.
• विशिष्ट पॅटर्न किंवा तत्सम संख्यांचा पिन बनवू नका.
• जन्मतारीख, मोबाईल नंबरचे अंक, ००००, ११११ सारखे अंक वापरू नका.