सुनिल शेट्टींच्या १ कोटीपेक्षा महाग गाडीत असं आहे तरी काय?

मुक्तपीठ टीम

बॉलिवूड स्टार्स नेहमीच लक्झरी आणि स्पोर्टी कारमधून फिरताना दिसतात. आता बॉलिवूड अभिनेता सुनील शेट्टीनं नवी कोरी कार खरेदी केली आहे. सुनील शेट्टीकडे याआधीही अनेक महाग आणि स्पोर्टी लक्झरी गाड्या आहेत. मात्र आता हल्लीच सुनील शेट्टीने स्वत:साठी नवीन लँड रोव्हर डिफेंडर एसयूव्ही खरेदी केली आहे. सुनील शेट्टीच्या एसयूव्हीची किंमत १ कोटींहून अधिक आहे. लँड रोव्हर डिफेंडर ही एक लोकप्रिय एसयूव्ही आहे आणि ती अनेक फिल्म स्टार्सकडे आहे. या मॉडेलमध्ये अनेक फिचर्स आहेत, चला जाणून घेवूया यात काय आहे खास…

लँड रोव्हर डिफेंडर ११० एसयूव्हीचे काही खास फिचर्स…

• लँड रोव्हर डिफेंडर ११० एसयूव्हीला तीन इंजिन पर्याय आहेत.
• दोन पेट्रोल टर्बो आणि एक डिझेल आहे.
• पहिले इंजिन २.० लिटर, ४ सिलेंडर युनिट आहे, ३०० बीएचपी पॉवर आणि ४०० एनएम टॉर्क निर्माण करते.
• दुसरे इंजिन ३.० लिटर, ६ सिलेंडर युनिट आहे,जे ४०० बीएचपी पॉवर आणि ५५० एनएम टॉर्क जनरेट करते.
• तिसरे इंजिन ३.० लिटर इनलाइन ६ टर्बो डिझेल आहे, जे ३०० बीएचपी पॉवर आणि ८ ऑटोमॅटिक स्पीड टॉर्क कन्व्हर्टर गिअरबॉक्सने सज्ज आहे.
• ही ऑफ-रोडर SUV ११ प्रकारच्या रंगांमध्ये उपलब्ध आहे.
• नवीन लँड रोव्हर डिफेंडर ११० हे पाच दरवाजे असलेले लाँग व्हीलबेस (LWB) मॉडेल आहे.

लँड रोव्हर डिफेंडर, अनेक दिग्गजांकडे ही लोकप्रिय एसयूव्ही!!

• अर्जुन कपूर, सनी देओल, मामूट्टी, आयुष शर्मा, पृथ्वीराज आणि रवी तेजा यांसारख्या अनेक सेलिब्रेटींकडे ही कार आहे.
• तामिळनाडूचे मुख्यमंत्री एमके स्टॅलिन, कन्याकुमारीचे खासदार विजय वसंत आणि महाराष्ट्र नवनिर्माण सेनेचे अध्यक्ष राज ठाकरे यांच्यासारख्या राजकारण्यांकडेही डिफेंडर ही कार आहे.
• सुनील शेट्टी यांचाकडे Hummer H2, Jeep Wrangler, Mercedes-Benz GLS 350, Mercedes-Benz G350D आणि BMW X5 सारख्या अनेक मोठ्या कार आहेत.
• आता लँड रोव्हर डिफेंडर ११० एसयूव्ही देखील सुनील शेट्टीच्या कार गॅरेजमध्ये जोडली गेली आहे.