मुक्तपीठ टीम
गुणरत्न सदावर्ते यांनी दोन दिवसांची पोलीस कोठडी सुनावण्यात आली आहे. ११ एप्रिल २०२२ पर्यंत पोलीस कोठडी सुनावली आहे. इतर १०९ आरोपींना न्यायालयीन कोठडी सुनावली आहे. गुणरत्न सदावर्ते यांना जामीन नाही. गरुवारी उच्च न्यायालयाने २२ तारखेपर्यंत सर्व एसटी कर्मचाऱ्यांना कामावर रुजू होण्याचे निर्देश दिल्यानंतर देखील एसटी कर्मचाऱ्यांनी विलिनीकरणाच्या मुद्द्यावरून शुक्रवारी शरद पवार यांच्या सिल्व्हर ओक या निवासस्थानी आक्रमक आंदोलन केले. या संपूर्ण घटनेनंतर राज्यभरात एकच खळबळ उठली. यानंतर आंदोलकांना भडकवणारे वकील गुणरत्न सदावर्ते यांना गावदेवी पोलिसांनी अटक केल्यानंतर त्यांनी थेट पोलिसांवरच आपल्या जीवाला धोका असल्याचा आरोप केला. यानंतर आझाद मैदानावरून पोलिसांनी आंदोलकांना बाहेर काढल्यानंतर जमावानं थेट सीएसएमटी स्थानकामध्ये ठिय्या मांडला.
अॅड. गुणरत्न सदावर्ते यांना अटक
- शरद पवारांच्या निवासस्थानाबाहेर झालेल्या आंदोलनप्रकरणी जमावाला भडकावल्याप्रकरणी आंदोलकांचे वकील गुणरत्न सदावर्ते यांना पोलिसांनी अटक केली आहे.
- त्यांच्यावर अजामीनपात्र गुन्हा दाखाल करण्यात आल्याची देखील माहिती मिळत आहे.
- या पार्श्वभूमीवर राज्य सरकारकडून आंदोलकांना शांतता राखून सहकार्य करण्याचं आवाहन केलं जात आहे.
- पोलिसांनी आत्तापर्यंत सिल्व्हर ओकवरील आंदोलनप्रकरणी पोलिसांनी शंभरापेक्षा अधिक आंदोलकांना ताब्यात घेतलं आहे.
- मुख्यमंत्री उद्धव ठाकरेंनी दोषींवर कठोर कारवाई करण्याचे निर्देश दिले असून उपमुख्यमंत्री अजित पवार यांनी देखील ‘दूध का दूध, पानी का पानी करू’ असं बजावून सांगितलं आहे.
कर्मचारी सीएसएमटी स्थानकात ठिय्या मांडून बसले!
- सिल्व्हर ओकवरील आंदोलनानंतर सर्व एसटी कर्मचारी पुन्हा आझाद मैदानावर पोहोचले होते.
- रात्रीपर्यंत आंदोलक तिथेच थांबल्यानंतर या आंदोलकांना मध्यरात्री उशीरा आझाद मैदानातून देखील हटवण्यात आले.
- या कारवाईनंतर हे सर्व आंदोलक जवळच्याच सीएसएमटी स्थानकात ठिय्या मांडून बसले आहेत.
- आपल्याला पोलिसांनी बळजबरीने आझाद मैदानातून हटवल्याचा दावा या आंदोलकांनी केला आहे.
Subscribe
