मुक्तपीठ टीम
मोटर सायकल चालवणाऱ्या एका आजीचा व्हिडीओ सोशल मीडियावर खूप व्हायरल होत आहे. पांढरे केस, चेहऱ्यावर सुरकुत्या, पण चेहऱ्यावर खूप मोठं हसू. मन प्रसन्न करणारा आनंद. आजीच्या चेहऱ्यावरचं हसू आपल्या चेहऱ्यावरही हसू खुलवतं. हा व्हिडीओ कुठे शुट झाला आहे आणि आजींचे नाव काय आहे हे अद्याप समोर आलेले नाही. परंतु त्या ‘यामाहा R 15’ ही गाडी चालवत आहेत हे दिसतय. त्या हळूहळू गाडी चालवत बाईक रायडींग चा आनंद लुटत आहेत हे व्हिडीओमध्ये दिसतय.
_shubham_5x या इंस्टाग्राम यूजरने हा व्हिडीओ पोस्ट केला आहे. आतापर्यंत ८ कोटी वेळा हा व्हिडीओ बघितला गेला आहे. ६० लाख लोकांनी यास लाइक केले आहे.
काही जण या व्हिडीओची प्रशंसा करत आहेत, तर काही लोक हे खोटे असल्याचे म्हणत आहेत. कोणी तरी मागून बाईकला धक्का देत आहे असा संशय देखील काही जण व्यक्त करत आहेत. “वाह क्या बात हे दादी”, “दादी हेवी ड्रायव्हर मौज कर दी” अशा कमेंट्स या व्हिडीओला मिळाल्या आहेत. प्रचंड व्हायरल झाल्याने या व्हिडीओला खूप पसंती, कमेंटस मिळत आहेत.
पाहा व्हिडीओ:
Subscribe
