परमबीर आणि साथीदारांसाठी एसआयटी स्थापनेमुळे अडचणी

मुक्तपीठ टीम

बिल्डर राधेश्याम अग्रवाल यांनी मुंबईचे माजी पोलीस आयुक्त परमबीर सिंह आणि इतर पाच पोलीस अधिकाऱ्यांवर १५ कोटी रुपये वसूल करण्याचा गुन्हा मुंबईतील मरीन ड्राईव्ह पोलीस ठाण्यात दाखल केला आहे. भ्रष्टाचार केल्याप्रकरणी राज्य सरकारच्या गृहविभागाने एसआयटीची स्थापना करण्यात आली आहे. त्यामुळे माजी पोलीस आयुक्त परमबीर सिंह आणि त्यांच्या साथीगार मानल्या जाणाऱ्यांच्या अडचणीत वाढ झाली आहे.

एसआयटीत खालील सदस्यांचा समावेश

• नितीन गोयल (पोलीस आयुक्त)
• एमएम मुजावर (सहाय्यक पोलीस आयुक्त)
• प्रिणम परब (पोलीस निरीक्षक, आर्थिक गुन्हे शाखा)
• सचिन पुराणिक (पोलीस निरीक्षक)
• विनय घोरपडे (पोलीस निरीक्षक)
• महेंद्र पाटील (सहाय्यक पोलीस निरीक्षक, गुन्हे शाखा)
• विशाल गायकवाड (सहाय्यक पोलीस निरीक्षक, पश्चिम विभाग, सायबर पोलीस ठाणे)

या प्रकरणी तपासणी घेण्यापूर्वी आरोपी पाच पोलीस अधिकाऱ्यांच्या बदल्या करण्यात आल्या आहेत. त्यामध्ये डीसीपी अकबर पठान, डीसीपी पराग मनेरे, एसीपी संजय पाटील, एसीपी श्रीकांत शिंदे, पोलीस निरीक्षक आशा कोंकरे यांचा समावेश आहे.

अग्रवाल यांचे आरोप गंभीर

• परमबीर सिंह यांनी बनावट गुन्हा दाखल करत १५ कोटींची मागणी केली.
• पैसे दिल्यानंतर त्यांच्यावर कारवाई करण्यात येणार नसल्याचे परमबीर सिंह यांनी सांगितले.
• २०१६पासून पैशांची मागणी करत असल्याचे अग्रवालने सांगितले.
• माजी पोलीस आयुक्त परमबीर सिंह आणि अन्य पाच जणांवर आयपीसीच्या कलम 387, 388, 389, 403, 409, 420, 423, 464, 465, 467, 468, 471, 120 (बी), 166, 167, 177, 181, 182, 193, 195, 203, 211, 209, 210, 347, 109, 110, 111, 113 अंतर्गत गुन्हा दाखल करण्यात आला आहे.
• या संदर्भात बांधकाम व्यावसायिक सुनील जैन आणि संजय पौर्णिमा या दोन भागीदारांना अटक करण्यात आली आहे.