संगीतकार बप्पी लहिरी यांचं निधन! डिस्कोचा जमाना गाजवत तालावर नाचवलं…

मुक्तपीठ टीम

ज्येष्ठ गायक आणि संगीतकार बप्पी लहिरी यांचे वयाच्या ६९ व्या वर्षी निधन झाले. मुंबईतील क्रिटीकेअर रुग्णालयात उपचार सुरु असताना त्यांनी अखेरचा श्वास घेतला. रुग्णालयाचे संचालक डॉ. दीपक नामजोशी यांनीसांगितले की, “लहिरी यांना महिनाभर रुग्णालयात दाखल करण्यात आले होते आणि त्यांना सोमवारी डिस्चार्ज देण्यात आला होता. पण घरी आल्यानंतर त्यांनी प्रकृती पुन्हा बिघडली. त्यामुळे त्यांना पुन्हा रूग्णालयात दाखल करावं लागलं. Obstructive Sleep Apnea (ओएसए) आणि चेस्ट कंजेशन या आजारामुळे बप्पी लहिरी यांचे निधन झाले. त्यांच्या निधनाने चित्रपटसृष्टीवर शोककळा पसरली आहे.

बप्पी लहिरींचा अल्प परिचय:

• आलोकेश लाहिरी असे बप्पी यांचे मूळ नाव होते.
• बप्पी लाहिरी हे चाहत्यांमध्ये ‘बप्पी दा’ या नावाने लोकप्रिय होते.
• बापी लाहिरी यांना भारतातील गोल्ड-मॅन म्हणूनही ओळखले जाते, त्यांनी सोन्याच्या दागिन्यांच्या प्रेम अमेरिकन रॉक-स्टार एल्विस प्रेस्लीशी यांच्या सोबत जोडलेले आहे.
• त्यांचा जन्म १९५२ मध्ये कलकत्ता, पश्चिम बंगाल येथे शास्त्रीय संगीताची समृद्ध परंपरा असलेल्या कुटुंबात झाला.
• त्यांनी वयाच्या १९ व्या वर्षी संगीत दिग्दर्शक म्हणून आपल्या कारकिर्दीला सुरुवात केली.
• त्यांचे वडील, अपरेश लाहिरी हे एक प्रसिद्ध बंगाली गायक होते आणि त्यांची आई बन्सरी लहिरी संगीतकार आणि गायिका होत्या ज्या शास्त्रीय संगीत आणि श्यामा संगीतात पारंगत होत्या.

बप्पी लहरींचा संगीतमय प्रवास

• तिला दादू (१९७२) या बंगाली चित्रपटात गाण्याची पहिली संधी मिळाली.
• मात्र, त्यांनी नन्हा शिकारी (१९७३) या चित्रपटातून हिंदी चित्रपटांमध्ये आपले स्थान निर्माण करण्यास सुरुवात केली.
• ताहिर हुसैन यांच्या जख्मी (१९७५) या हिंदी चित्रपटाद्वारे त्यांनी बॉलीवूडमध्ये स्वत:ची ओळख निर्माण केली आणि पार्श्वगायक म्हणून ठसा उमटवला.
• बप्पी लाहिरी यांनी १९७०-८० च्या दशकाच्या उत्तरार्धात चलते चलते, डिस्को डान्सर आणि शराबी सारख्या अनेक चित्रपटांमध्ये लोकप्रिय गाणी दिली.
• त्यांनी भारतीय चित्रपटात सिंथेसाईज डिस्को संगीताचा वापर लोकप्रिय केला आणि स्वतःच्याही काही रचना गायल्या. त्यांनी बंगाली चित्रपटांमध्ये बॉक्स ऑफिसवर मोठे यश मिळवले होते. वारदात, डिस्को डान्सर, नमक हलाल, शराबी, डान्स डान्स, कमांडो, साहेब, गँग लीडर, सैलाब यासारख्या सिनेमांतील त्यांची गाणी प्रचंड गाजली होती.
• २०२० मध्ये प्रदर्शित झालेल्या बागी ३ चित्रपटात ‘भंकस’ नावाचे त्यांचे शेवटचे बॉलिवूड गाणे ऐकायला मिळाले होते.
• बप्पी लाहिरी यांनी २०१४ मध्ये भाजपाकडून लोकसभा निवडणुकीसाठी पश्चिम बंगालमधील श्रीरामपूर मतदारसंघातून निवडणूक लढवली होती, मात्र त्यांचा पराभव झाला.

बाप्पी लाहिरी यांची गाजलेली बॉलिवूड गाणी

• याद आ रहा है तेरा प्यार
• तम्मा तम्मा लोगे
• झुबी झुबी
• आज रपट जाये तो
• बम्बई से आया मेरा दोस्त
• दे दे प्यार दे
• ऊलाला ऊलाला (डर्टी पिक्चर)
• रात बाकी, बात बाकी
• यार बिना चैन कहा रे
• तुने मारी एंट्रिया