अनिल देशमुखांवरील १०० कोटींच्या आरोपांवर शरद पवार काय बोलले?

मुक्तपीठ टीम

महाविकास आघाडी सरकारवरच संकटाचे वादळ घोंघावू लागले असताना अखेर महाविकास आघाडीचे प्रणेते शरद पवार यांनी आपली भूमिका मांडली. त्यांनी अनिल देशमुखांवरील आरोप गंभीर आहेत, असे म्हणतानाच परमबीरांच्या पत्रातील खासदार मोहन डेलकर आत्महत्या प्रकरणाच्या दुसऱ्या भागाकडे लक्ष वेधले. हे आरोप गंभीर आहेत. या प्रकरणाची चौकशी करण्याचे आदेश मुख्यमंत्र्यांचे आहेत, असे त्यांनी स्पष्ट केले. त्यांनी चौकशी करावी आणि निर्णय घ्यावा असेही ते म्हणाले. सरकार अस्थिर करण्याचे प्रयत्न सुरु असल्याचेही ते म्हणाले.

मुंबईचे पोलीस आयुक्त परमबीर सिंह यांनी महास्फोटक पत्राद्वारे गृहमंत्री अनिल देशमुखांवर १०० कोटींच्या हप्तावसुलीचे आदेश सचिन वाझेंना दिल्याचा आरोप केला. त्यानंतर राजकारणात वादळ आले आहे. सर्वांचे लक्ष शरद पवार काय भूमिका घेतात, तेथे लागले होते. अखेर २० तासांनी शरद पवार यांनी आपली भूमिका मांडली.

शरद पवारांनी मांडलेल्या भूमिकेतील महत्वाचे मुद्दे:

• सरकार अस्थिर करण्याचे प्रयत्न सुरु आहेत
• सरकारला कोणताही धोका नाही
• परमवीर सिंह यांचे पत्र धक्कादायक
• अनिल देशमुखांवरील आरोप गंभीर
• परमबीर सिंह यांच्या पत्राचे दोन भाग
• एक देशमुखांवरील आरोप, दुसरे डेलकर प्रकरण
• पहिले आरोप गृहमंत्र्यांविरोधात, दुसरे आयुक्तांचे स्वत:विरोधातील

• परमबीर यांच्याशी माझी भेट झाली होती
• वाझे यांना सेवेत आणण्याचा निर्णय परमबीर यांचाच
• वाझेंच्या सेवेत पुनर्नियुक्तीचा निर्णयात मुख्यमंत्री, गृहमंत्री यांचा संबंध नाही
• शंभर कोटी कुणाकडे गेले याचा पत्रात उल्लेख नाही
• पत्रात उल्लेख केलेले पैसे गेले कुणाकडे?
• पैसे कसे दिले त्याचाही पत्रात उल्लेख नाही
• परमबीर यांचे आरोप बदली झाल्यानंतरचे
• आयुक्त असताना परमबीर यांनी असे आरोप केले नाहीत.
• परमबीरांच्या पत्रात आरोप, मात्र पुरावे नाहीत
• फडणवीस दिल्लीत गेल्यानंतर हे पत्र आले