मुक्तपीठ टीम
एका बलात्कार प्रकरणात आपले निरिक्षण नोंदवताना मुंबई उच्च न्यायालयाच्या नागपूर खंडपीठाने आरोपीला अल्पवयीन मुलीने शरीरससंबंधास दिलेल्या सहमतीला कायद्याच्या दृष्टिकोनातून काहीच अर्थ नाही, असे सांगितले आहे. पीर मोहम्मद घोटू मोहम्मद इस्माईल असं आरोपीचं नाव असून नागपूर खंडपीठाने त्याला जामीन देण्यास नकार दिला आहे. आरोपीविरुद्ध अल्पवयीन मुलीवर बलात्कारासह ॲट्रॉसिटी कायद्याअंतर्गत बुलडाणा जिल्ह्यातील लोणार तालुक्यातील बीबी पोलिसांनी गुन्हे दाखल करण्यात आले आहेत.
नेमकं प्रकरण काय?
- आरोपी आणि पीडितेचे एकमेकांवर प्रेम होते.
- मुलगी स्वत:हून आरोपीसोबत पळून गेली आणि तिने स्वत:च्या सहमतीने आरोपीसोबत शरीरसंबंध ठेवले, असे मुद्दे मांडत आरोपीच्या वतीने उच्च न्यायालयात जामीन मागण्यात आला होता, मात्र न्यायालयाने ते मुद्दे अमान्य केले.
न्यायालयाचा निर्णय
- बलात्कार प्रकरणातील आरोपीच्या जामिनावर सुनावणी करताना मुंबई उच्च न्यायालयाच्या नागपूर खंडपीठाने मत नोंदवलं.
- न्यायमूर्ती विनय देशपांडे आणि न्यायमूर्ती अनुजा प्रभुदेसाई यांच्या खंडपीठासमोर या प्रकरणी सुनावणी झाली.
- अल्पवयीन मुलीच्या सहमतीला कायद्याच्या दृष्टिकोनातून काहीच अर्थ नाही.
- मुलीने तिच्या जबाबात ती आरोपीवर प्रेम करत असल्याचे कुठेही म्हटले नाही.
- आरोपीच तिच्यावर प्रेम करण्यासाठी दबाव टाकत होता.
- आरोपीने अल्पवयीन मुलीच्या धाकट्या भावाला जीवे ठार मारण्याची धमकी दिली होती.
- त्यामुळे ती आरोपीसोबत पळून गेली.
- वैद्यकीय पुराव्यांवरुन आरोपीने बलात्कार केल्याचे दिसून येते.
- याशिवाय सरकारच्या साक्षीदारांनीही आरोपीविरुद्ध जबाब दिला आहे.
- त्यामुळे आरोपीला जामीन दिला जाऊ शकत नाही.
Subscribe
