मुक्तपीठ टीम
कोरोनाच्या संकट काळात संसर्ग टाळण्यासाठी सोशल डिस्टन्सिंगवर भर दिला जात असतानाच सेक्स रॅकेटही जोरात सुरु असल्याचे दिसत आहे. पोलिसांनी मुंबईतील एका अशाच सेक्स रॅकेटवर धाड घालून दोघांना जेरबंद केलं आहे, तर एका अल्पवयीन मुलीची सुटका केली आहे.
देशाची आर्थिक राजधानी मुंबईत, सध्या कोरोनाच्या या महामारीत सेक्स रॅकेटची प्रकरणे मोठ्या प्रमाणात वाढली आहेत. या सेक्स रॅकेटच्या धंद्यात जबरदस्तीने अल्पवयीन मुलींना अडकवल्याच्या आरोपाखाली मुंबई गुन्हे शाखेने घाटकोपर भागातील दोन जणांना अटक केली आहे. एका अधिकाऱ्याने सांगितले की, गुन्हे शाखेच्या युनिट ८ ने एका चाळीवर छापा टाकल्यानंतर हे सेक्स रॅकेट उघडकीस आले.
या छाप्यात एक अल्पवयीन मुलगी आणि दोन महिलांना मुक्त करण्यात आले आहे. दोन आरोपींपैकी एक ३७ वर्षांची महिला आहे तर दुसरा आरोपी ४० वर्षीय पुरुष आहे. त्यांच्याविरूद्ध गुन्हा दाखल करण्यात आला आहे.
मुंबईतील सेक्स रॅकेटचे दलाल पैशाचे आमीष दाखवून गरीब घरातील गरजू मुली व स्त्रियांना या दलदलीत ढकलतात. स्थानिक पोलिसांनी बर्‍याच वेळेस अशा रॅकेटची प्रकरणे उघडकीस आणली आहेत. तरीही असे रॅकेट जागा बदलून आपले धंदे सुरुच ठेवते.
Subscribe
