मुक्तपीठ टीम
प्रदूषणामुळे त्रासलेल्या तारापूर परिसरातील नागरिकांना दिलासा देणारी ही बातमी आहे. त्याचबरोबर उद्योगांवर परिणाम झाल्याने त्रासलेल्या उद्योजकांसाठी चांगलीच बातमी आहे. काही उद्योजक औद्योगिक सांडपाणी तसेच सोडत असल्यामुळे परिसरात जलप्रदूषण वाढले होते. त्यामुळे कारवाईही झाली. त्यानंतर आता अखेर जुन्या सांडपाणी प्रक्रिया केंद्राला पुन्हा कार्यरत करण्यासाठी परवानगी देण्यात आली आहे. प्रदूषण नियंत्रण मंडळाने अनेक निर्बंध घातले आहेत. पण तरीसुद्धा हे प्रक्रिया केंद्र सुरू झाल्याने उद्योजकांना दिलासा मिळाला आहे. सांडपाणी प्रक्रिया केंद्राचे दुरुस्तीचे काम नोव्हेंबर २०२० सुरू होते. केंद्रातून योग्य पद्धतीने सांडपाण्यावर प्रक्रिया होत नसल्याने सामुदायिक सांडपाणी प्रक्रिया केंद्रावर प्रदूषण नियंत्रण मंडळाने बंदी केली होती.
प्रक्रिया केंद्रातील साडेसात दशलक्ष लिटर क्षमतेच्या भागाचे नूतनीकरण देखभाल दुरुस्तीचे काम पूर्ण झाले आहे. प्रक्रिया केंद्रातील या भागाला सुरू करून प्रक्रिया क्षमता साडेबारा दशलक्ष घनमीटर प्रतिदिनपर्यंत वाढवण्याची अनुमती दिली आहे. महाराष्ट्र प्रदूषण नियंत्रण मंडळाने १४ फेब्रुवारी रोजी दिलेल्या परवानगीत तसे नमूद केले आहे. हे प्रक्रिया केंद्र सुरू करण्याची अनुमती मिळाल्याने जवळजवळ तीनशे ते चारशे उद्योगांना चालना मिळणार आहे. तारापूर एनव्हार्मेन्ट प्रोटेक्शन सोसायटीने सुरू केलेल्या सामुदायिक सांडपाणी प्रक्रिया केंद्राशी १८० ते २०० उद्योग जोडले गेले आहेत.
सांडपाण्याची मात्रा, संतुलन व दर्जा ऑनलाइन पद्धतीने तपासण्याची व्यवस्था कऱण्याची अट घालण्यात आली आहे. अनेक उद्योगांच्या प्रदूषणामुळे सांडपाण्याचे प्रमाण वाढते, त्यामुळे ज्या उद्योगांमध्ये अधिक प्रमाणात सीओडी (केमिकल ऑक्सिजन डिमांड)ची निर्मिती होते त्याकरिता स्वतंत्र सांडपाणी प्रकियेची व्यवस्था उभारण्याचे निर्बंध घालण्यात आले आहेत.
पाहा व्हिडीओ:
Subscribe
