काश्मीरात सुरक्षा दलांनी टीआरएफच्या इम्तियाज अहमद दारसह दोन दहशतवाद्यांना संपवलं

मुक्तपीठ टीम

जम्मू काश्मीरमध्ये सुरक्षा दलाला मोठे यश मिळालं आहे. जम्मू काश्मीरमध्ये बांदीपोरा आणि अनंतनाग येथे झालेल्या दोन वेगवेगळ्या चकमकीत दोन दहशतवादी ठार झाले आहेत. बांदीपोरा जिल्ह्यातील हाजीन भागात सुरक्षा दल आणि दहशतवाद्यांमध्ये झालेल्या चकमकीत ठार झालेल्या दहशतवाद्याची ओळख टीआरएफचा इम्तियाज अहमद दार म्हणून झाली आहे. ज्याचा शाहगुंड बांदीपोरामध्ये नुकत्याच झालेल्या त्याचा सहभाग होता.

काश्मीरचे आयजीपी विजय कुमार यांनी सांगितले की, सुरक्षा दल आणि दहशतवाद्यांमध्ये सोमवारी सकाळी बांदीपोराच्या हाजीन भागातील गुंडजहागीरमध्ये चकमक सुरू झाली, ज्यात एक दहशतवादी ठार झाला आहे. ठार झालेल्या दहशतवाद्याची ओळख टीआरएफचे इम्तियाज अहमद दार म्हणून झाली आहे, ज्याचा शाहगुंड बांदीपोरामध्ये नुकत्याच झालेल्या त्याचा सहभाग होता.

ते म्हणाले की, सोमवारी बांदीपोराच्या हाजीन भागातील गुंडजहागीरमध्ये चकमक सुरू झाली. पोलीस आणि सुरक्षा दलांमध्ये चकमक सुरू आहे. जम्मू-काश्मीर पोलिसांनी सांगितले की, या भागात दहशतवादी असल्याच्या माहितीनुसार शोधमोहीम राबवली जात आहे. या दरम्यान दहशतवादी आणि सुरक्षा दलांमध्ये चकमक झाली.

अनंतनागमध्ये अज्ञात दहशतवादी ठार

यापूर्वी जम्मू -काश्मीरमधील अनंतनागच्या वेरीनाग भागातील खगुंडमध्ये शोध मोहिमेदरम्यान दहशतवादी आणि पोलिसांची चकमक झाली होती. यामध्ये एक अज्ञात दहशतवादी ठार झाला, तर एक पोलीस कर्मचारीही जखमी झाला. या भागात अजूनही शोधमोहीम सुरू आहे.