मुक्तपीठ टीम
महाराष्ट्रराज्याचे मुख्यमंत्री उद्धव ठाकरे यांनी फेसबुक लाईव्हच्या माध्यमातून जनतेशी संवाद साधला. यावेळी येत्या १ ते २ दिवसांमध्ये महाराष्ट्रातील लॉकडाऊनसंदर्भात मुख्यमंत्र्यांनी तज्ज्ञांशी चर्चा केली. मात्र, यावेळी बोलताना मुख्यमंत्र्यांनी उद्योगपती आणि महिंद्रा ग्रुपचे संचालक आनंद महिंद्रा यांच्या एका ट्वीटवरून त्यांचं नाव न घेता सुनावलं. त्यांनी यावर प्रतिक्रिया व्यक्त केलेली नसली तरी तरी महाराष्ट्र नवनिर्माण सेनेकडून त्याबाबत मुख्यमंत्र्यांवर टीका करत लॉकडाऊनविरोधी भूमिका मांडली आहे.
मनसेचे सरचिटणीस संदीप देशपांडे यांनीही फेसबुक लाईव्हच्या माध्यमातून मुख्यमंत्र्यांच्या भूमिकेवर अनेक प्रश्न उपस्थित केले. तसेच, महाराष्ट्रात लॉकडाऊन लावणे कसे चुकीचे ठरू शकते याविषयी देखील त्यांनी मत मांडले. तसेच, उद्योगपतींच्या सल्ल्यांवर मुख्यमंत्री उद्धव ठाकरेंनी मांडलेल्या भूमिकेचा समाचार घेतला.
• मुख्यमंत्री म्हणाले की, आरोग्य सुविधा उभारण्याचे सल्ले दिले, आम्ही त्यावर काम करतोच आहोत. पण रोज किमान ५० डॉक्टर, आरोग्य सेवकांची सोय व्हावी.
• करोनाकाळात असे आरोग्यसेवक स्वत:हून सरकारला मदत करण्यासाठी आले होते. पण करोनाचा प्रादुर्भाव कमी होताच सरकारने त्या लोकांना कामावरून काढून टाकले.
• त्यामुळे पुन्हा ते कामावर आले, तर सरकार त्यांना काढून टाकणार नाही, याची काय खात्री आहे?
• लोकांच्या मनातली तुमच्याबद्दलची विश्वासार्हता कमी झाली आहे, म्हणून तुम्हाला डॉक्टर, आरोग्यसेवक मिळत नाहीत.
• कोरोना गंभीर होत असताना लॉकडाऊन वाढवायचा नाही, तर काय करायचं? असा उलट प्रश्न मुख्यमंत्र्यांनी जनतेलाच विचारला आहे. शिवाय यावर ते आता तज्ज्ञांशी चर्चा करणार आहेत. इतक्या संभ्रमित अवस्थेतला मुख्यमंत्री आजपर्यंत पाहिला नाही.
• मुख्यमंत्र्यांनी केलेला संवाद होता की जनतेला धमक्या होत्या?
Subscribe
