मुक्तपीठ टीम
खासदार संभाजी छत्रपतींच्यां आक्रमक भूमिकेनंतर मराठा आरक्षणाचा मुद्दा आणखी तापत चालला आहे. खासदार संभाजी छत्रपती यांनी मराठा समाजातील कार्यकर्त्यांना शिवराज्याभिषेक सोहळ्यासाठी रायगडाकडे कूच करा, असे आवाहन केले आहे. सध्या कोरोनामुळे राज्यात जिल्हाबंदीचा नियम लागू असल्याने मिळेल त्या वाहनाने रायगडावर या, असे त्यांनी सांगितले आहे.
सोमवारी मराठा क्रांती मोर्चाच्या नाशिकच्या पदाधिकाऱ्यांची ऑनलाईन बैठक झाली. या बैठकीत खासदार संभाजी छत्रपती यांनी शिवराज्याभिषेक सोहळ्यासाठी रायगडावर येण्याचे आवाहन केले आहेत. त्यामुळे आता ६ जून रोजी किल्ले रायगडावरून ते कोणती नवी घोषणा करणार, याची सर्वांना उत्सुकता लागली आहे.
खासदार संभाजी छत्रपतींचा इशारा
• खासदार संभाजी छत्रपती यांनी राज्यातील सर्व प्रमुख नेत्यांच्या भेटीगाठी घेतल्या आहेत.
• तीन दिवसांपूर्वीच ते मुख्यमंत्री उद्धव ठाकरे यांना भेटले होते.
• त्यावेळी त्यांनी मराठा समाजाच्या पाच प्रमुख मागण्या त्यांच्यासमोर ठेवल्या होत्या.
• ६ जूनपर्यंत राज्य सरकारने या मागण्यांची पूर्तता केली नाही तर आम्ही रायगडावर पुढची दिशा ठरवून रस्त्यावर उतरू, असा इशारा दिला आहे.
Subscribe
