मुक्तपीठ टीम
मुंबईचे माजी पोलीस आयुक्त परमबीर सिंह यांनी मुख्यमंत्र्यांना पत्र लिहून गृहमंत्री अनिल देशमुख यांच्यावर सचिन वाझेंना शंभर कोटींच्या हफ्तावसुलीचे आदेश दिल्याचा आरोप केला आहे. या प्रकरणामुळे राजकारणात वादळ आलं असतानाच काँग्रेसचे प्रवक्ते सचिन सावंत यांनी परमबीर सिंहांचे पत्र लक्षपूर्वक वाचले तर दादरा नगर हवेलीचे खासदार मोहन डेलकर यांच्या आत्महत्येचा तपास महाराष्ट्राकडून नको, त्यासाठी ते दाबण्यासाठीच भाजपाने पत्राचे कुंभाड रचल्याचा आरोप केला आहे.
२जी घोटाळ्याचे आरोप करून भाजपाला मदत करणाऱ्या विनोद राय यांच्यासारखे काही अधिकारी महाराष्ट्राच्या प्रशासनातही आहेत, असा आरोपही त्यांनी केला आहे.
सचिन सावंत यांचा भाजपावर हल्लाबोल:
- जे खंडणीचे आरोप सांगितले जात आहेत ते भाजपाने आधीच कसे केले?
- सुशांत सिंह राजपूत याची केस पटणा येथे नोंदवली जाऊ शकते तर मोहन डेलकर यांची मुंबईत आत्महत्या झाली तिथे का नाही?
- जेथे गुन्हा घडला तिथेच CRPC प्रमाणे तपास होतो. SMS हे स्वबचावाकरिता दिसत आहेत.
- अगोदर काही अधिकारी दिल्लीच्या दबावात आहेत असे गृहमंत्र्यांनी महिनाभरापूर्वी सांगितले होते.
- केंद्रीय यंत्रणांच्या दबावाखाली अधिकाऱ्यांना आणून भाजपाने मविआ सरकारविरोधात अत्यंत कुटील षडयंत्र केलेलं दिसत आहे.
भाजपा नेत्यांना माहिती आधीच मिळते व ज्या सुसुत्रपणे ते प्रतिक्रिया लागलीच देतात त्यातून हे स्पष्ट होते - जी तत्परता अंबानी प्रकरणात केंद्राने दाखवली ती देलकर प्रकरणात का नाही?
- देलकर यांनी मोदी शाह यांना पत्र लिहून व्यथा मांडली. पण त्याकडे लक्ष दिले नाही. त्यांनी राजीनामा दिला का?
- देलकर प्रकरणात भाजपाचे हात अडकले असून हे दाबण्यासाठी कुभांड रचलं गेले आहे हे पत्रातून स्पष्ट होत आहे
Subscribe
