दणकट, दिमाखदार ‘रॉयल एनफिल्ड’ लवकरच लाँच करणार इलेक्ट्रिक बाइक!

मुक्तपीठ टीम

पेट्रोलचे दर दिवसेंदिवस वाढत आहेत आणि त्याचवेळी पेट्रोल इंजिनच्या वापरामुळे पर्यावरणाचीही हानी होत आहे. ज्यामुळे देशभरात इलेक्ट्रिक बाइकची मागणी दिवसेंदिवस वाढत आहे. मोठ्या संख्येने लोक पेट्रोल इंजिनमधून इलेक्ट्रिक मोटर्सकडे वळत आहेत. रॉयल एनफिल्ड लवकरच ग्राहकांसाठी इलेक्ट्रिक बाईक्स लाँच करणार आहेत.

रॉयल एनफिल्डचे व्यवस्थापकीय संचालक सिद्धार्थ लाल यांनी स्पष्ट केले की, लवकरच रॉयल एनफिल्डच्या इलेक्ट्रिक बाइक्सची रेंज जागतिक बाजारपेठेत पाहायला मिळेल. रॉयल एनफिल्डचे विद्युतीकरण हा त्याच्या सर्वसमावेशक पर्यावरणीय, सामाजिक आणि प्रशासनाच्या दृष्टिकोनाचा अविभाज्य भाग असेल. ब्रँडच्या दोन उत्पादन सुविधांनी त्यांच्या उर्जेचा वापर आणि कचरा व्यवस्थापन प्रणाली सुधारून वॉटर पॉझिटिव्ह प्रमाणित केले आहे.

• कंपनीने या इलेक्ट्रिक बाइकचे प्रोटोटाइप देखील तयार केले आहेत.
• रॉयल एनफिल्डची नवीन बाईक इलेक्ट्रिक प्लॅटफॉर्मवर तयार केली जाईल
• ही बाईक सर्व-नवीन कनेक्टिव्हिटी फिचर्ससह सुसज्ज असेल.
• कंपनी रॉयल एनफिल्डची ही बाईक २०२२ ते २०२३ मध्ये जागतिक स्तरावर लाँच होऊ शकते.